BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

پاۆلوداردا دالا سۇلۋلارىنىڭ كورمەسى وتۋدە

استانا، baq.kz. پاۆلودار وبلىستىق كوركەمسۋرەت مۋزەيىندە اشىلعان جەرگىلىكتى سۋرەتشى التىن قيساميدەنوۆانىڭ «اناما ارنادىم» اتتى كورمەسىندە 70-كە جۋىق سىزبا جانە كەسكىندەمە تۋىندىسى قويىلعان.

رavlodarnews.kz سايتىنىڭ جازۋىنشا كورمەگە ۇسىنىلعان تۋىندىلار ىستىقكول، الماتى، استانا جانە پاۆلودار قالاسىندا جازىلعان پەيزاجدار سەرياسىن قۇرايدى.

كەڭ جازيرا دالانىڭ اسەم كورىنىسىن، سىر-سيپاتىن بەرۋ ارقىلى ەلىمىزدىڭ تابيعاتىن سۇيىسپەنشىلىكپەن بەينەلەيدى. قايتالانباس سۇلۋلىقتى بەينەلەۋدە قاسيەتتى اتامەكەن توپىراعىنىڭ جىلۋلىعىن كوركەمسۋرەت ونەرى ارقىلى جەتكىزەدى.

التىن قيساميدەنوۆا 1962 جىلى پاۆلودار وبلىسى لەنين كەنتىندە دۇنيەگە كەلگەن. 1987 جىلى ن.ك. كرۋپسكايا اتىنداعى سەمەي پەداگوگيكالىق ينستيتۋتى كوركەم-سىزبا فاكۋلتەتىنىڭ «بەينەلەۋ ونەرى، سىزۋ جانە ەڭبەك ٴپانىنىڭ ٴمۇعالىمى» ماماندىعى بويىنشا ٴبىلىم العان.

2005 جىلدان پاۆلودار كوركەمسۋرەت كوللەدجىنىڭ كاسىبي پاندەر وقىتۋشىسى. بۇگىندە سۋرەتشى شىعارماشىلىعىنا زور ۋاقىتىن ارناپ، تۋىندىلاردى جارىققا شىعارادى. پورترەت، پەيزاج، ناتيۋرمورت، تاقىرىپتىق جانرىندا جۇمىس جاسايدى. رەسپۋبليكالىق، وبلىستىق، قالالىق شىعارماشىلىق كورمەلەر، كونكۋرستار جانە جىل سايىن وتكىزىلەتىن پلەنەرلەردىڭ بەلسەندى قاتىسۋشىسى.

سۋرەتشىنىڭ «دالا سۇلۋلارى» ايەلدەر پورترەتتەر سەرياسى تاڭعاجايىپ پەن كوركەمدىككە تولى. ايەل بەينەسىن اق قاعازعا تۇسىرۋدەن شابىت الاتىن قىلقالام شەبەرى قازاق قىز-كەلىنشەكتەرى مەن انالارىنا ٴتان ەرەكشەلىكتى، قانشا ۋاقىت وتسە دە ايەل وتباسى تىرەگى مەن وشاق يەسى بولىپ قالا بەرەتىندىگىن سۋرەت ارقىلى كورسەتۋگە تىرىسادى. كورمە 30 جەلتوقسانعا دەيىن جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي