BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

"مەن قازاقپىن" مەگاجوباسىنىڭ جەڭىمپازدارى انىقتالدى

استانا، baq.kz. استاناداعى قازمەديا ورتالىعىنىڭ كينوكونسەرت زالىندا «قازاقستان» تەلەراديوكورپوراسياسىنىڭ ۇيىمداستىرۋىمەن «men qazaqpyn» اتتى حالىقارالىق مەگاجوبانىڭ گالا كونسەرتى ٴوتتى.

ن.ٴا.نازاربايەۆ ٴوزىنىڭ "رۋحاني جاڭعىرۋ" باعدارلامالىق ماقالاسىندا: «ٴسالت-داستۇرىمىز، ٴتىلىمىز بەن مۋزىكامىز، ادەبيەتىمىز، جورالعىلارىمىز، ٴبىر سوزبەن ايتقاندا، ۇلتتىق رۋحىمىز بويىمىزدا ماڭگى قالۋعا ٴتيىس» دەگەن بولاتىن.

ال بۇگىنگى شارا اياسىندا مەملەكەت جانە قوعام قايراتكەرى مىرزاتاي جولداسبەكوۆ جانە «قازاقستان» رترك» اق باسقارما ٴتوراعاسى ەرلان قارين «men qazaqpyn» جوباسىنىڭ جەڭىمپازدارىن تەرمە، كۇي، ٴان جانرلارى بويىنشا ماراپاتتادى.

سونداي-اق، گالا-كونسەرتتە «men qazaqpyn» جوباسىنىڭ قازىلار القاسىنىڭ مۇشەلەرى ۇلجان بايبوسىنوۆا، ايگۇل ۇلكەنبايەۆا، ايگۇل ەلشىبايەۆا جانە ٴى - ماۋىسىمىنداعى جەڭىمپازدارى ونەر كورسەتتى.

ايتا كەتەيىك، قر اقپارات جانە كوممۋنيكاسيالار مينيسترىلىگىنىڭ قولداۋىمەن «قازاقستان رترك» اق بىرلەسىپ العاش رەت 2017 جىلى «men qazaqpyn» حالىقارالىق تەلەۆيزيالىق مەگاجوباسىن جۇزەگە اسىرعان بولاتىن.

"جوبانىڭ ماقساتى – ەلىمىزدىڭ تۇكپىر-تۇكپىرىندەگى ٴداستۇرلى انشى-تەرمەشى، كۇيشىلەردىڭ باسىن ٴبىر ارنادا توعىستىرىپ، ەلىمىزدىڭ ٴار ايماعىندا قالىپتاسقان ونەر مەكتەپتەرىنىڭ تاڭداۋلى تۋىندىلارىن دارىپتەۋ ماقساتىندا اتادان-بالاعا مۇرا بولىپ كەلە جاتقان ٴتول ونەرىمىز كۇي، جىر-تەرمەنى دامىتىپ، زامانعا ساي جاڭاشالاندىرىپ، وسكەلەڭ ۇرپاققا ناسيحاتتاۋ" - دەيدى ۇيىمداستىرۋشىلار.

سونىمەن اقتىق سىنعا جولداما العان 9 ۇمىتكەردىڭ ىشىنەن سۋىرىلىپ شىققان ٴۇش ۇزدىكتى ايتار بولساق:

ۇزدىك تەرمەشى - كۇنسۇلۋ تۇركپەن

ۇزدىك كۇيشى - جانىبەك جاميەۆ

ۇزدىك ٴداسترلى ٴانشى - ەكى جەڭىمپاز الپىسبەك وڭايباي ۇلى، راۋان الىمبايەۆ.

جەڭىمپازداردىڭ ٴارقايسىسىنا 1 ملن تەڭگەدەن سىياقى بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي