BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

لوندوندا ديماش قۇدايبەرگەننىڭ العاشقى جەكە كونسەرتى وتەدى

فوتو: Baribar.kz

ۇلىبريتانياداعى قازاقستان مادەني كۇندەرى اياسىندا ديماش قۇدايبەرگەنوۆ ٴوزىنىڭ جەكە كونسەرتىن بەرەدى. بۇل تۋرالى قر مادەنيەت جانە سپورت ٴمينيسترى ارىستانبەك مۇحامەدي ۇلى ٴوزىنىڭ فەيسبۋك پاراقشاسىندا ٴمالىم ەتتى، دەپ حابارلايدى baq.kz اقپارات اگەنتتىگى.

ٴانشىنىڭ كونسەرتى قر مادەنيەت جانە سپورت مينيسترلىگىنىڭ ۇيىمداستىرۋىمەن جانە ۇلىبريتانياداعى قازاقستان ەلشىلىگىنىڭ قولداۋىمەن وتەدى.

ٴمينيستردىڭ مالىمەتىنشە، شوۋ dq اتاۋىمەن 19 قاراشا كۇنى ساعات 19.00-دە لوندونداعى ەڭ تانىمال royal festival hall كونسەرت زالىندا وتەدى. لوندوندىق كورەرمەندەر ٴبىرىنشى رەت جاس ٴانشىنىڭ كونسەرتتىك باعدارلاماسىن تاماشالايتىن بولادى. وندا ٴبىز ٴسۇيىپ تىڭدايتىن حيتتار مەن جاڭا كومپوزيسيالار ورىندالادى.

ديماشتىڭ ٴار ورىنداۋى الەمدىك رەزونانس تۋدىرىپ، ميللياردتاعان تىڭدارماننىڭ قىزىعۋشىلىعىنا يە بولۋدا. جەر شارىنىڭ ٴار تۇكپىرىندەگى ٴانشىنىڭ تابىنۋشىلارى الەمدىك شوۋدىڭ كۋاگەرى بولا الادى، ول ٴۇشىن بار بولعانى www.biletiastana.kz سايتىنا ونلاين تىركەۋدەن وتسە بولعانى.

«ٴار تىركەلگەن كورەرمەن ديماشتىڭ لوندونداعى كونسەرتىنە جەكە rsvp بەيدج الادى. تىركەلۋ اقىلى. بارلىق تۇسكەن قاراجات قازاقستاننىڭ دارىندى جاستارىن بەدەلدى حالىقارالىق بايقاۋلارعا قاتىسۋىنا جۇمسالادى. ويتكەنى جاس ٴانشى ٴوزىنىڭ فەنومەندى ۆوكالىمەن عانا ەمەس، ول ٴوز وتانىنىڭ دارىندى بالالارى مەن جاستارىنا قاتىستى الەۋمەتتىك ۇستانىمىمەن تانىمال. سونىڭ ارقاسىندا ديماش قۇدايبەرگەن قازىرگى قازاقستاننىڭ سيمۆولىنا اينالىپ وتىر»، -دەلىنگەن ٴمينيستردىڭ جازباسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي