BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

قوستانايدا حالىقارالىق ديريجەرلەر فورۋمى وتۋدە

فوتو: ашық дереккөзден

قوستانايدا ە.ٴومىرزاقوۆ اتىنداعى قوستاناي وبلىستىق فيلورمونياسى قازاق حالىق اسپارتارى وركەسترىنىڭ 10 جىلدىعىنا ارنالعان حالىقارالىق ديريجەرلەر فورۋمى وتۋدە، دەپ حابارلايدى baq.kz اقپارات اگەنتتىگى.

«قالادا مامىردىڭ 14 مەن 18 ارالىعىندا ديريجەرلەردىڭ حالىقارالىق فورۋمى وتۋدە. ايتۋلى مادەني شارا ە.ٴومىرزاقوۆ اتىنداعى قوستاناي وبلىستىق فيلورمونياسى قازاق حالىق اسپارتارى وركەسترىنىڭ 10 جىلدىعىنا ارنالعان»، - دەلىنگەن قوستاناي وبلىسى مادەنيەت باسقارماسىنىڭ حابارلاماسىندا.

بۇگىندە فورۋمعا تانىمال ديريجەرلەر قاتىسۋدا.

اتاپ ايتقاندا، فارۋح سادىقوۆ – وزبەكستاننىڭ حالىق ٴارتىسى، ارمان جۇدەبايەۆ – قۇرمانعازى اتىنداعى حالىق اسپاپتارى اكادەميالىق وركەسترىنىڭ باس ديريجەرى، ٴانۋار نۇسىپپايەۆ – استانا ونەر ۋنيۆەرسيتەتىنىڭ ديريجەرلىك ەتۋ كافەدراسىنىڭ پروفەسسورى، سەرگەي بەزبورودوۆ – رف ەڭبەك سىڭىرگەن ٴارتىسى، ۆلاديمير لاۆريشين – رەسەيدىڭ ەڭبەك سىڭىرگەن ونەر قايرەتكەرى، نازىمبەك مولداحمەتوۆ - قازاق حالىق اسپاپتارى وركەسترىنىڭ باس ديريجەرى جانە باسقالار.

فورۋمنىڭ نەگىزگى ماقساتى ۇلتتىق مۋزىكا ٴداستۇرىن دامىتۋ، ۇلتتىق ونەر مەن رۋحاني ٴداستۇردى ناسيحاتتاۋ، مۋزىكالىق ۇجىمدار اراسىندا تاجىريبە الماسۋ جانە ديريجەرلىك ەتۋ ونەرىن جەتىلدىرۋ.

«بۇگىندە جاس مۋزىكانتتارمەن شەبەرلىك سىنىپتارى وتكىزىلۋدە، سوڭىندا شاقىرتىلعان حالىقارالىق ديريجەرلەرمەن دوڭگەلەك ۇستەل وتكىزىلەدى. ال، 18 مامىردا ساعات 18.30 گالا-كونسەرت وتەدى. ونى ماەسترولاردىڭ وزدەرى وتكىزەدى»، - دەيدى ۇيىمداستىرۋشىلار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي