BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قىزىلوردالىق ونەرپازدار شوتلانديادا «اقبايان» قويىلىمىن ساحنالادى

قىزىلوردا وبلىستىق نارتاي بەكەجانوۆ اتىنداعى قازاق مۋزىكالىق دراما تەاترى شوتلانديانىڭ ەدينبۋرگ قالاسىندا ٴوتىپ جاتقان «فريندج» ونەر فەستيۆالىنە قازاقتىڭ حالىق جازۋشىسى عابيت مۇسىرەپوۆتىڭ «قوزى كورپەش-بايان سۇلۋ» ليرو-ەپوستىق دراماسىنىڭ جەلىسى بويىنشا ساحنالانعان «اقبايان» سپەكتاكلىمەن قاتىسۋدا، دەپ حابارلايدى baq.kz اقپارات اگەنتتىگى.

حالىقارالىق فەستيۆال ەدينبۋرگ قالاسىندا 3 تامىز كۇنى باستالدى جانە 27 تامىزعا دەيىن جالعاسپاق. «اقبايان» سپەكتاكلى كورەرمەندەرگە 6-8 تامىز ارالىعىندا كورسەتىلدى. فەستيۆال اياسىنداعى قويىلىم كورسەتىلىمىنە لوندونداعى قازاق دياسپوراسىنىڭ وكىلدەرى قاتىستى. سپەكتاكل ۇلتتىق بيلەر، ويىندار جانە اسىق، كوكپار، ارقان تارتۋ سياقتى سپورتتىق سايىستار مەن ۇلتتىق كيىمدەر ارقىلى حالىق ناقىشى مەن قازاق مادەنيەتىن كورسەتەدى.

قويۋشى-رەجيسسەر - تەاتردىڭ كوركەمدىك جەتەكشىسى، قازاقستاننىڭ ەڭبەك سىڭىرگەن قايراتكەرى حۋسەين امىر-تەمىر. سۋرەتشى-دەكوراتور - نۇركەن قالىمبەتوۆ. قويىلىمداعى ارتىستەردىڭ كوپشىلىگى جاستار ەكەنىن ەرەكشە اتاپ ٴوتۋ كەرەك. مىسالى اقبايان رولىندە – زارينا كەنجالى، قوزى رولىندە – سانات ٴجۇزباي، قوداردى - قانات ارحابايەۆ، قارابايدى - قازاقستان جاستار وداعى «سەرپەر» سىيلىعىنىڭ يەگەرى باحىتبەك تەمىربەكوۆ سومداسا ، ماقپال رولىندە - قر مادەنيەت جانە سپورت مينيسترلىگىنىڭ «مادەنيەت قىزمەتكەرى» توسبەلگىسىنىڭ يەگەرى زاليپا تولەپوۆا، كۇنىكەي رولىندە - اقتولقىن تولەۋوۆا وينادى.

«ۇيىمداستىرۋشىلاردىڭ تالاپتارىنىڭ ٴبىرى – بەرىلگەن ۋاقىتتان اسپاۋ. دۇنيەگە كەلگەنىنەن باستالاتىن قوزى كورپەش پەن بايان سۇلۋ وقيعاسىن 55 مينۋتقا شاقتاپ، قويىلىمدى «اقبايان» دەپ اتادىق. قازاقي اۋەن، ۇلتتىق ناقىشتاعى دەكوراسيالار، كوستيۋمدەر مەن ويىندار كورەرمەندەرگە ۇنادى، ٴبىز ٴۇشىن ەڭ ماڭىزدىسى دا - وسى»، - دەدى قويۋشى-رەجيسسەر حۋسەين امىر-تەمىر.

ايتا كەتەيىك، «فريندج» («fringe») فەستيۆالى 1947 جىلدان باستاپ جىل سايىن ۇيىمداستىرىلادى جانە الەم بويىنشا تەاتر ونەرىندەگى ەڭ ٴىرى شارا بولىپ تابىلادى. بيىل فەستيۆالگە الەمنىڭ 50 ەلىنەن كەلگەن 50 000-عا جۋىق ارتيست قاتىسۋدا.

ۇيىمداستىرۋشىلاردىڭ ايتۋىنشا، فەستيۆالدە كورەرمەن نازارىنا 3700 ٴتۇرلى جانرداعى قويىلىم ۇسىنىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي