BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

«قىز جىبەك» ميۋزيكلى وڭتۇستىك كورەيادا ساحنالاندى

فوتو: 24.kz

قازاقتىڭ ماحاببات تۋرالى ليرو-ەپوستىق داستانى ەندى وڭتۇستىك كورەيا تۇرعىندارىنا دا تانىس. ۇلى دالا ەلى فولكلورىنىڭ ٴىنجۋ-مارجانى سانالاتىن «قىز جىبەك» سپەكتاكلى حالىقارالىق ميۋزيكلدەر فەستيۆالى اياسىندا تەگۋ قالاسىندا ساحنالاندى، دەپ حابارلايدى baq.kz اقپارات اگەنتتىگى 24kz سايتىنا سىلتەمە جاساپ.

وڭتۇستىككورەيالىق تەگۋ قالاسىندا وتەتىن فەستيۆال – الەمدەگى جالعىز حالىقارالىق ميۋزيكلدەر شاراسى. وعان العاش رەت وتاندىق كاسىبي تەاتر شاقىرتۋ الدى. ۇيىمداستىرۋشىلار ارتيستەردەن «قىز جىبەك» قويىلىمىن قويۋدى وتىنگەن، سەبەبى سپەكتاكل قازاقتىڭ ۇلتتىق بەينەسىن ايقىندايتىن بىردەن-بىر تۋىندى.

تەگۋ قالاسىندا وتكەن ميۋزيكلدار فەستيۆالىنە سەگىز مەملەكەتتىڭ تەاترلارى قاتىستى. وسىلايشا وڭتۇستىككورەيالىق كورەرمەندەر ٴوز ەلىنەن شىقپاي-اق وزگە ەلدەردىڭ مادەنيەتىمەن تانىسۋعا تەڭدەسسىز مۇمكىندىك الدى.

«قىز جىبەك» ميۋزيكلى مەن كورگەن تۋىندىلارعا مۇلدەم ۇقسامايدى. ەرەكشە ٴارى كەرەمەت شىعارما. دەگەنمەن كورەرمەندەر ونى بىردەن قابىلداماۋى مۇمكىن. تەگۋ قالاسىندا ٴوتىپ جاتقان شارادان سوڭ وڭتۇستىككورەيالىقتار قازاقستاندىق تۋىندىلارمەن قىزىعۋشىلىق بىلدىرە باستايتىنىنا سەنىمىم مول»، - دەيدى تەگۋ قالاسى حالىقارالىق ميۋزيكلدەر فەستيۆالىنىڭ اتقارۋشى ديرەكتورى پاك چونگ سۋك.

وپەرا، روك، قازاقتىڭ ۇلتتىق مۋزىكاسى، كاسكادەرلىق تريۋكتەر. بۇل جانردىڭ بارلىعى «قىز جىبەك» ميۋزيكلىندا كورىنىس تابادى. رەكۆيزيتتەردىڭ كوپ بولعانى سونشالىق، كورەياعا الدىمەن جۇكتەر بولەك جىبەرىلگەن. سونداي-اق، قويىلىمنىڭ ٴماتىنىن اعىلشىن جانە كورەي تىلىنە اۋدارۋ كوپ ۋاقىتتى تالاپ ەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي