BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

قازاقستاندىقتار تانىمال وپەرا جانە بالەت ارتىستەرىنىڭ شىعارماشىلىعىن تاماشالاي الادى

2018 جىلدىڭ 13 ماۋسىم كۇنى الماتى تۇرعىندارى مەن قالا قوناقتارىنا ارناپ قر تۇڭعىش پرەزيدەنت قورىنىڭ لاۋرەاتتارى جىل سايىنعى «جۇرەكتەگى ارمانمەن، شىڭدارعا شىعۋ جولىندا!» اتتى كونسەرتىن وتكىزەدى. كلاسسيكا مۋزىكاسىنىڭ جۇلدىزدارى ٴداستۇرلى تۇردە اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا جينالادى، دەپ حابارلايدى baq.kz اقپارات اگەنتتىگى.

استانانىڭ 20-جىلدىعىن مەرەكەلەۋگە وراي ەۋرازياداعى ەڭ ۇلكەن تەاترلاردىڭ بىرىندە ەڭ تانىمال مۋزكالىق تۋىندىلار ورىندالادى. ولاردىڭ ىشىندە «اباي» وپەراسىنان ابايدىڭ ارياسى، «سترانا ۋلىبوك» وپەراسىنان ليزا جانە سۋ چونگتىڭ دۋەتى، «كارمەن» وپەراسىنان پوپۋرري، «تايس» وپەراسىنان «مەديتاسيا» بار. الەمگە ايگىلى بۇل تۋىندىلاردى وتاندىق مادەنيەت جانە ونەر سالاسىنداعى جاڭا تانىمال وكىلدەرى - قر تۇڭعىش پرەزيدەنت قورىنىڭ لاۋرەاتتارى ورىندايدى.

مۋزىكا كەشىندە قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، رەسپۋبليكالىق جانە حالىقارالىق شىعارماشىلىق كونكۋرستار مەن فەستيۆالدەردىڭ جەڭىمپازدارى: مەدەت شوتابايەۆ، تالعات مۇسابايەۆ، تاتيانا ۆيسينسكايا، گاۋحار taسبەرگەنوۆا، ەرمەك قۇرمانايەۆ، بيبىگۇل جانۇزاق، قر مەملەكەتتىك تريوسى - «forte trio» جانە باسقا ونەر مايتالماندارى ٴوز شەبەرلىگىن كورسەتەدى.

وپەرا جانە بالەتتىڭ حاس شەبەرلەرى «ۇلكەن وپەرا» تاقىرىبىنا ارنالعان كونسەرتتىك باعدارلامامەن ساحناعا شىعادى. بۇگىنگى كۇنى «ۇلكەن وپەرا» - الەمدىك زاماناۋي مۋزىكالىق باعىتتار سياقتى تانىمال حالىقارالىق ترەند. «جۇرەكتەگى ارمانمەن، شىڭدارعا شىعۋ جولىندا!» اتتى كونسەرتىن وتكىزۋدىڭ باستى ماقساتى ٴار ٴتۇرلى تىڭدارماندارعا اكادەميالىق مۋزىكاعا دەگەن قىزىعۋشىلىعى مەن سۇيىسپەنشىلىگىن ارتتىرۋ بولىپ تابىلادى.

- مادەنيەت - مەملەكەتتىڭ رۋحاني نەگىزى. قوعام ۇلتتىق ونەردى ساقتاۋ ٴۇشىن شىعارماشىلىق تۇلعانى دامىتۋعا جاعداي جاساۋ كەرەك. وسى ورايدا قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ قىزمەتى وتە ماڭىزدى. ون جىل بويى ٴبىز تالانتتى جاستاردى قولداپ كەلە جاتىرمىز. قور لاۋرەاتتارىنىڭ كونسەرتى – كلاسسيكا مۋزىكاسىنىڭ مايتالماندارىن ەلىمىزگە تانىستىرۋ بولىپ تابىلادى. بۇل كەشتە ٴوز تالانتتارىن كورسەتەتىن جۇلدىزدارىمىز شىعارماشىلىق جولىندا ەشقانداي كەدەرگى بولماۋى ٴتيىس ەكەنىن دالەلدەيتىنىنە سەنىمدىمىن، - دەپ اتاپ ٴوتتى قر تۇڭعىش پرەزيدەنت قورىنىڭ الماتى قالاسىنداعى وكىلدىگىنىڭ ديرەكتورى سەرگەي توحتاروۆ.

قر تۇڭعىش پرەزيدەنت قورىنىڭ جاس، دارىندى جانە شىعارماشىل جاستارعا قولداۋ كورسەتۋ ٴداستۇرى 10 جىل بۇرىن تۋدى. كوپتەگەن ارتىستەر ٴۇشىن بۇل قولداۋ كاسىبي سالادا تابىسقا جەتۋگە العاشقى قادامداردىڭ ٴبىرى بولدى. قوردىڭ لاۋرەاتتارعا ارنالعان جىل سايىنعى كونسەرتى ولاردىڭ شەبەرلىگىن حالىققا كورسەتۋدىڭ تاماشا مۇمكىندىكتەرىنىڭ ٴبىرى بولۋدا.ٴقازىر قور لاۋرەاتتارىنىڭ ەسىمدەرى تەك قازاقستاندا عانا ەمەس، سونىمەن قاتار شەتەلدە دە بەلگىلى. ولار حالىقارالىق كونكۋرستار مەن فەستيۆالداردا ٴوز ونەرلەرىن كورسەتە وتىرىپ، قازاقستانىمىزدىڭ دارىندى ونەر يەلەرىنە باي ەكەندىگىن دالەلدەۋدە. كونسەرتكە قازاقستان، رەسەي مەن ەۋروپاعا كەڭىنەن تانىمال وتاندىق وپەرا جۇلدىزى سۇندەت بايعوجين دە قاتىسادى.

بيىلعى جىلى لاۋرەاتتاردىڭ كونسەرتىنىڭ تاعى ٴبىر ەرەكشەلىگى - استانامىزعا ارنالعان فوتوكورمەنىڭ ٴوتۋى. «استانا - ۇلى دالا جاۋھارى» اتتى فوتوكورمە ەلوردانىڭ جەتىستىكتەرىن كورسەتىپ، زاماناۋي قازاقستانعا جاڭا كوزقاراسپەن قاراۋعا مۇمكىندىك بەرەدى. كونسەرت نۇرجان بايبوسىنوۆتىڭ جەتەكشىلىگىمەن قر مەملەكەتتىك اكادەميالىق سيمفونيالىق وركەسترىنىڭ مۋزىكالىق سۇيەمەلدەۋىمەن وتەدى. سونىمەن قاتار، كونسەرت بارىسىندا تىڭدارماندارعا مۋلتيمەديالىق تەحنولوگيالاردىڭ كومەگىمەن ەستە قالار شوۋ قويىلماق دەيدى ۇيىمداستىرۋشىلار.

كونسەرتتىڭ وتكىزىلۋ مەكەن-جايى جانە كۇنى: 13 ماۋسىم / سارسەنبى / ساع. 19.00، الماتى ق.، اباي اتىنداعى قازاق وپەرا جانە بالەت تەاترى. قابانباي باتىر 110. قۇرمەتتى ارىپتەستەر! كونسەرتكە اككرەديتاسيا بويىنشا مىنا تەلەفونعا حابارلاسا الاسىزدار: قر تۇڭعىش پرەزيدەنتى – ەلباسى قورىنىڭ ٴباسپاسوز قىزمەتى، اينۋر يسابايەۆا +7 701 777 65 58; التىناي امانبايەۆا، +7 (727) 220-92-16، +7 (701) 506-62-02، a.amanbayeva@fpp.kz، www.fpp.kz

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي