BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاق سۋرەتشىلەرى ۇلكەن قولداۋدى قاجەت ەتەدى – سۋرەتشىلەر وداعىنىڭ ٴتوراعاسى

فوتو: автор

الماتى، baq.kz ٴتىلشىسى. سوڭعى جىلدارى قازاقستان سۋرەتشىلەرىنىڭ جۇمىسىنا دەگەن سۇرانىس تومەندەپ كەتتى. بۇل تۋرالى قر سۋرەتشىلەر وداعىنىڭ ٴتوراعاسى ومىربەك جۋبانيازوۆ الماتىدا وتكەن ٴباسپاسوز ماسليحاتىندا ايتتى.

ونىڭ ايتۋىنشا، ەلدەگى ينفلياسيا جانە وزگە دە فاكتورلاردىڭ ورىن الۋىنان حالىقتىڭ وتاندىق سۋرەتشىلەردىڭ جۇمىسىن ساتىپ الۋ قابىلەتى تومەندەپ كەتكەن.

«تەك جۇمىستارىن شەتەلگە شىعارىپ جۇرگەن ون شاقتى سۋرەتشى بولماسا، كوپشىلىگى تۋىندىلارىن ساتا الماۋدا. سوندىقتان ولار ۇلكەن قولداۋدى قاجەت ەتەدى»، - دەيدى ول.

قر سۋرەتشىلەر وداعىنىڭ 85 جىلدىق مەرەيتويىنا ارنالعان ٴباسپاسوز ٴماسليحاتى بارىسىندا بيىل اتقارىلعان ٴىس-شارالار مەن الداعى جوسپارلارى تانىستىرىلدى.

«بيىل وداقتىڭ 85-جىلىدعىنا وراي رەسپۋبليكالىق كورمە ٴوتتى، وعان ەلىمىزدىڭ التى ايماعىنان سۋرەتشىلەر مەن مۇسىنشىلەردىڭ جۇمىسى قويىلدى. الماتىدا سۋرەتشىلەرگە ارنالعان كورمە زالدارى تاپشى. سوندىقتان كورمەلەردىڭ ٴبىر بولىگى ٴا. قاستەەۆ اتىنداعى ونەر مۇراجايىندا جانە تاعى ٴبىر بولىگى almaty arena كەشەنىندەگى almaty art center بولىمىندە ٴوتتى»، - دەيدى وداق ٴتوراعاسى.

جيىن بارىسىندا سۋرەتشىلەر وداعىنىڭ حاتشىسى جامبىل ناتبايەۆ وداقتىڭ الداعى جوسپارىن تانىستىردى.

«سۋرەتشىلەر وداعىنىڭ مىندەتى – قازاق ونەرىن، مادەنيەتىن ساقتاۋ جانە بولاشاق ۇرپاققا جەتكىزۋ، ٴتول ونەرىمىزدى دارىپتەۋ. الداعى ۋاقىتتا مۇمكىندىگى شەكتەۋلى، ياعني زاعيپ جاندارعا ارنالعان «ونەر بارلىعى ٴۇشىن» اتتى جوبانى قولعا الىپ وتىرمىز. بۇل جوبا اياسىندا كوزى كورمەيتىن ادامدارعا ٴمۇسىندى جاساۋ ونەرىن سەزىنىپ كورۋ مۇمكىندىگى بەرىلەدى»، - دەيدى ول.

سونىمەن قاتار سۋرەتشىلەر وداعىنىڭ ٴبىرىنشى حاتشىسى باقىتجان قاسىمبەكوۆ ٴقازىر سۋرەت كورمەسىنىڭ تاپشىلىعى ورىن الىپ وتىرعاندىعىن جەتكىزدى.

«ول تەك الماتى قالاسى بويىنشا ەمەس، جالپى ەل بويىنشا ۇلكەن ماسەلەنىڭ ٴبىرى. دەگەنىمەن ٴبىز "كورمە زالىن سالىپ بەر" دەپ ايتا المايمىز. بۇل ماسەلە بويىنشا قولعا العان جوبامىز بار، ياعني پانفيلوۆ كوشەسى بويىنداعى عيماراتىمىزدى كەڭەيتكىمىز كەلەدى. سوعان قولداۋ ٴبىلدىرۋ رەتىندە قالا اكىمدىگىنە جۇگىنگەنبىز، الايدا ناتيجەسى بەلگىسىز بولىپ تۇر»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي