USD 335.71 EUR 357.36 RUB 5.23
استانا:

«اقتاستاعى احيكو» پرەمەراسىندا استانالىقتار تۇرىپ قول سوقتى

فوتو: 24.kz

مۇحتار اۋەزوۆ اتىنداعى قازاق مەملەكەتتiك اكادەميالىق دراما تەاترى استانا قالاسىندا ەل تاۋەلسىزدىگىنىڭ 25 جىلدىعىنا ارنالعان «اقتاستاعى احيكو» دراماسىنىڭ تۇساۋىن كەستi، دەپ حابارلايدى baq.kz تiلشiسi.

قارلاگ قاسiرەتi تۇڭعىش رەت قازاق ساحناسىندا بەينەلەگەن بۇل قويىلىمعا جاپوندىق احيكو تەسۋرونىڭ تاعدىرى ارقاۋ بولدى. ول كەڭەس ۇكىمەتى كەزىندە قارلاگ تۇرمەسiنە ناقاقتان ناقاق 15 جاسىندا ٴتۇسiپ، 10 جىل جان توزگiسiز ازاپتى ٴومiر كەشەدi. لاگەردەن ٴولiمشi حالدە بوساپ شىققان ول قازاق اناسىنىڭ قامقورلىعىنىڭ ارقاسىندا تiرi قالادى. زامان وڭالعاندا ٴوز وتانىنا شاقىرۋ الىپ بارعانىمەن، ول جاقتا تۇراقتاي الماي، قاراعاندى ماڭىنداعى اقتاسقا قايتا ورالادى. احيكو تەسۋرونىڭ تاعدىر جولى – ستاليندiك زۇلمات جىلداردا قازاقستانعا قونىس اۋدارعان، ايدالىپ، جازىقسىز سوتتالىپ، لاگەرلەرگە قامالعان مىڭداعان ادامداردىڭ، ٴتۇرلi ۇلت وكiلدەرiنiڭ تاعدىرى.

فوتو: 24.kz

«اقتاستاعى احيكو» دراماسىنىڭ قويۋشى رەجيسسەرi – قازاقستاننىڭ ەڭبەك سiڭiرگەن قايراتكەرi اسحات ماەميروۆ.

«مەن ٴۇشiن احيكو – جاسامپاز رۋحتىڭ بەينەسi. تاعدىردىڭ قيلى قىل-كوپiرiنەن، ازاپتان وتسە دە، ەرتەڭ كۇن كۇلiپ قارايتىنىن سەزiنگەن ادام. 15 جاستا قامالىپ، 25 جاسىندا تۇرمەدەن شىققان كەزدە مويىعان جوق. كەرiسiنشە، رۋحىنىڭ بيiكتiگiن، مىقتىلىعىن كورسەتتi. سوندىقتان بۇل كەيiپكەر – شىن مانiندە بارشامىزعا جارقىن ۇلگi. قويىلىم بارىسىندا ول ٴوز كوزiمەن الاش ارىستارىن كورەدi، ولارعا سۇيسiنە، تامسانا قارايدى. ەكi-ۇش ايعا ٴوزiنiڭ ەلiنە بارىپ، اقىرىندا قازاقستانعا قايتا ورالدى. قازاق توپىراعىنىڭ قاسيەتi، كيەسi ونى كەيiن قايتاردى»، - دەيدi ا.ماەميروۆ.

باستى قازاقستاننىڭ ەڭبەك سiڭiرگەن قايراتكەرi دۋلىعا اقمولدا سومدايدى. ول تۇساۋكەسەردiڭ الدىندا قاراعاندىدا تۇرىپ جاتقان كوزi تiرi احيكو تەسۋرومەن ارنايى بارىپ جۇزدەسكەن.

«وسى رولدە دۋلىعا اقمولدانى بiردەن رەجيسسەر رەتiندە كوردiم. استاناداعى تۇساۋكەسەردە دۋلىعا ەرەكشە، بولەك ورىندايدى. سەبەبi ولار قاراعاندىدا احيكو تەسۋرونىڭ وزiمەن كەزدەستi. ونىڭ بويىنداعى قۋاتىن، بولمىسىن، جان دۇنيەسiن، مiنەزiن بويىنا سiڭiردi دەپ ويلايمىن»، - دەيدi رەجيسسەر.

ەكi ساعاتقا جۋىق سوزىلعان درامانى احيكو تەسۋرو ٴوزi كەلiپ تاماشالادى. قويىلىمنان سوڭ ول ساحناعا كوتەرiلiپ، تەاترعا العىسىن جەتكiزدi. ال ۇيىمداستىرۋشىلار جاسى توقسانعا جاقىنداعان قارياعا قازاق شاپانىن كيگiزدi.

ۆيدەو دەرەككوزى: 24.kz

سۋرەتتەر ايگەرىم بەگىمبەتتىڭ facebook-تەگى جەكە پاراقشاسىنان الىندى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي