BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

گرەكيادا «ازىرەت سۇلتان» قورىق-مۋزەيىنىڭ تاريحي كورمەسى اشىلدى

استانا، baq.kz. بۇگىن گرەكيانىڭ سالونيكي قالاسىندا «philoxenia-2018» ەڭ ٴىرى حالىقارالىق كورمەسى اشىلدى. بۇل تۋرالى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ٴباسپاسوز قىزمەتى حابارلايدى.

ايتۋلى شارادا قازاقستاننىڭ گرەكياداعى ەلشىسى تيمۋر سۇلتانعوجين قر مادەنيەت جانە سپورت مينيسترلىگىنىڭ قولداۋىمەن «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ قوجا احمەت ٴياساۋيدىڭ مۇرالارى جانە تۇركىستان وڭىرىندەگى كيەلى-تاريحي جەرلەرى جايلى كورمەسىنىڭ لەنتاسىن قيدى.

تۋريستىك الەۋەتى دامىعان الپاۋىت ەلدەردىڭ كوشباسشى تۋريستىك ورتالىقتارى قاتىساتىن شارانىڭ باستى ماقساتتارىنىڭ ٴبىرى-قازاقستاندىق تۋريستىك نىساندار مەن تاريحي ورىنداردىڭ ماڭىزىن تانىستىرۋ، تاجىريبە الماسۋعا باعىتتالعان.

كورمەگە قورىق- مۋزەي قورىنان 1871-1872 جىلدارى تۇسىرىلگەن ا.كۋننىڭ فوتوالبومىنان تۋىندىلار جانە كەسەنەنىڭ ٴار جىلدارداعى بەينەلەرى مەن تۇركىستاننىڭ كورىنىستەرى، تايقازان، شىراعدان سۋرەتتەرى، قوجا احمەت ياساۋي مەن تايقازاننىڭ ماكەتتەرى كوپشىلىك نازارىنا ۇسىنىلادى. سونداي-اق، ياساۋي كەسەنەسى مەن قىلۋەت جەراستى مەشىتى، شىعىس مونشاسى، گاۋحار انا، ۋكاشا اتا كەسەنەسى مەن قۇدىعى، ساۋران قالاشىعى سىندى تاريحي ورىنداردىڭ 3d تۋر نۇسقاسى ەلباسىمىزدىڭ سيفرلاندىرۋ جۇيەسى نەگىزىندە دايىندالىپ، حالىقارالىق كورمەدە العاش رەت كورسەتىلىپ، كوزىلدىرىك ارقىلى تانىستىرىلدى.

سونىمەن قاتار، قورىق-مۋزەيدىڭ تاريحي ورىندارى مەن مۋزەي حاقىندا ٴۇش تىلدە جارىق كورگەن بۋكلەت كىتاپشالارى مەن جادىگەرلەردىڭ كاتالوگ كىتاپتارى كورمە ەكسپوزيسياسىنان ورىن الدى.

شاراعا قاتىسۋشى قازاقستاندىق دەلەگاتتار ۇلتتىق كيىمدەر كيىنىپ، قازاقتىڭ ٴتول ونەرى كۇي، ٴداستۇرلى اندەردى ورىنداپ، ۇلتتىق تاعامدار مەن «اسىق اتۋ»، «ارقان تارتۋ» سىندى ويىنداردى دا ناسيحاتتاۋدا.

بۇعان دەيىن «ازىرەت سۇلتان» مەملەكەتتىك تاريحي-مادەني قورىق-مۋزەيى تۇركسوي حالىقارالىق ۇيىمىنىڭ قولداۋىمەن تۇركيا رەسپۋبليكاسىندا دا كورمە ۇيىمداستىرىپ، ٴبىرقاتار ٴىرى قالالارىنا ياساۋي مۇرالارىن ناسيحاتتاعان بولاتىن. ەۋروپالىق مادەنيەتتىڭ دامۋىنا ۇلكەن اسەر ەتە وتىرىپ تۋريزم سالاسى دامىعان، اسەم لاندشافتى ارالدارعا باي گرەسيا جەرىنە اقش، ۇلىبريتانيا، گەرمانيا جانە فرانسيا ازاماتتارى كوپتەپ اعىلىپ، قىزىقتى ٴارى تاريحي ورىندارىمەن تانىسۋعا بەيىم. وسى ورايدا، ەلباسى نۇرسۇلتان ٴابىش ۇلى نازاربايەۆتىڭ «بولاشاققا باعدار:رۋحاني جاڭعىرۋ» باعدارلامالىق ماقالاسىن كەڭىنەن ناسيحاتتاۋ جانە «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ 40 جىلدىعى، تۇركىستان قالاسىنىڭ وبلىس ورتالىعى اتانۋىنا بايلانىستى قورىق-مۋزەي باسشىسى احمەتجانوۆ نۇربولات قادىر ۇلى باستاعان دەلەگاتتار گرەسياعا جاسالعان ساپار بارىسىندا ٴبىرقاتار تۋريستىك كەلىسسوزدەر جۇرگىزىپ، مادەني-تاريحي مۇرالاردى دارىپتەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي