BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ەرتەڭ ەلوردادا «astana-art show-2018» حالىقارالىق كورمەسى اشىلادى

فوتو: kak-pravilno.com

15 قىركۇيەكتە tse art destination گالەرەياسىندا العاش قازاقستاندىق «astana-art show 2018» حالىقارالىق كورمەسى ٴوز جۇمىسىن باستايدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

astana art show قازىرگى قازاقستاننىڭ بەينەلەۋ ونەرى حالىقارالىق بيەننالەسىنىڭ نەگىزگى شاراسى بولىپ تابىلادى جانە ٴۇش كورمە اياسىندا وتەدى. ٴىس-شارانىڭ العاشقى تاقىرىبى – «metamorphosis». بۇل جوبا سۋرەتشىلەردىڭ ىشكى كوڭىل-كۇيى مەن حال-احۋالىن، كەڭ اۋقىمدى ماسەلەلەر بويىنشا كوزقاراستارىن زەرتتەۋگە ارنالعان. بۇل – ولاردىڭ جەكە وزدەرى جانە ماڭىزدى وقيعالار تۋرالى اڭگىمەلەرى، سونىمەن قاتار سۋرەتشىنىڭ شەكسىز ەۆوليۋسياسىندا، ونىڭ مەتامورفوزىندا، سونداي-اق شىعارماشىلىعىنداعى بۇرىلىس نۇكتەسىندە ماڭىزدى كەزەڭدى بەلگىلەۋ ٴۇشىن polaroid 600-گە جەدەل فوتوسۋرەت جاساۋ مۇمكىندىگى.

جوبا قاتىسۋشىلارى – تولىق جەتىلگەن جانە شەتەلدە اتتارى تانىمال بولعان قازاقستاندىق جاس سۋرەتشىلەر. 20-دان استام سۋرەتشى حالىقارالىق ٴىرى كورمەلەرگە قاتىسقان جانە شوۋعا ارنايى دايىندالعان ەڭبەكتەرىن ۇسىنادى. كورمە قاتىسۋشىلارىنىڭ اراسىندا تانىمال جاپوندىق فوتوگراف، «مەن وبلوموۆ» بەلگىلى اۆتوپورترەت سەرياسىنىڭ اۆتورى – يكۋرۋ كۋۆادجيما بار. سونداي-اق، كوركەم ونەردى قادىرلەۋشى ەلوردالىقتاردىڭ نازارىنا ٴوز جۇمىستارىن لوندوندا اتى شىققان قازاقستاندىق ازا شادەنوۆا ۇسىنادى. ال جاس سۋرەتشى ٴادىل اۋبەكەروۆ استانا تۇرعىندارى مەن قوناقتارىن قالا عيماراتتارىنىڭ ٴبىرىنىڭ قاسبەتىنە سالىنعان جاڭا ارت-نىسانمەن قۋانتادى.

سۋرەتتەر مەن ينستاللياسيالاردى كەلۋشىلەر tse art destination گالەرەياسىندا جانە ونىڭ اينالاسىندا تاماشالاي الادى. metamorphosis-پەن قاتار، ورتالىق ازيا ەلدەرى مەن قازاقستاننىڭ 16 جاس سۋرەتشىسىنىڭ شىعارماشىلىعىنا ارنالعان «قايتا جۇكتەۋ. كەڭىستىكتى وڭتايلاندىرۋ» كورمەسى وتەدى. the ghost expedition ٴۇشىنشى كورمەسىنىڭ ۇيىمداستىرۋشىلارى – ەۋروپالىق وداق. جوبا شەڭبەرىندە قازاقستاندىق جانە ەۋروپالىق سۋرەتشىلەر توبى ماڭعىستاۋ وبلىسىنىڭ كيەلى ورىندارىن زەرتتەۋ بارىسىندا كوركەم جۇمىستارىنىڭ ناتيجەلەرىن ۇسىنادى.

سونداي-اق، جوبا اياسىندا تانىمال سۋرەتشىلەردىڭ دارىستەرى، شەبەر-سىنىپتارى مەن كۋراتورلىق ەكسكۋرسيالارى وتەدى. astana art show اشىلۋىندا ٴىس-شارانىڭ ارنايى قوناعى – الەمگە ايگىلى مۋزىكانت benjamin skepper (مەلبۋرن، اۆستراليا) ونەر كورسەتەدى. benjamin skepper – كوركەم ماتىندە زاماناۋي تەحنولوگيالار مەن عىلىمي يننوۆاسيالاردى قولدانا وتىرىپ، جاڭا ەكسپەريمەنتتىك مۋزىكالىق شىعارمالارجازاتىن مۋزىكانت. ٴىس-شارا ۇيىمداستىرۋشىلارى: قازاقستان رەسپۋبليكاسى مادەنيەت جانە سپورت مينيسترلىگى، «قازاقستان رەسپۋبليكاسىنىڭ ۇلتتىق مۋزەيى» رمم، رۋحاني جاڭعىرۋ باسقارۋ كەڭسەسى، artios art advisory. astana art show كۋراتورلارى: دينا بايتاسوۆا، اسەل احمەتجانوۆا. «قايتا جۇكتەۋ. كەڭىستىكتى وڭتايلاندىرۋ» كورمەسىنىڭ كۋراتورى: ايگۇل يبرايەۆا. «the ghost expedition» كورمەسىنىڭ كۋراتورى: انۆار مۇسىرەپوۆ.

astana art show كورمەسىنىڭ رەسمي اشىلۋى 15 قىركۇيەكتە ساعات 19:00-دە tse art destination گالەرەياسىندا وتەدى. مەكەن-جايى: رەسپۋبليكا داڭع.، 33ا. كىرۋ تەگىن. كورمە 2018 ج. 28 قازانعا دەيىن جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي