USD 334.89 EUR 361.61 RUB 5.28
استانا:

ەرتەڭ «اقتاستاعى احيكو» سپەكتاكلىنىڭ پرەمەراسى وتەدى

ەرتەڭ بەيبىتشىلىك جانە كەلىسىم سارايىندا «اقتاستاعى احيكو» سپەكتاكلىنىڭ پرەمەراسى بولادى. دراما ساياسي قۋعىن-سۇرگىنگە ۇشىراپ، 17 جاسىندا قارلاگ تۇرمەسىنە تۇسكەن جاپونيالىق احيكو تەسۋرونىڭ تاعدىر تاۋقىمەتى جايىندا باياندايدى.

جازىقسىز جەر اۋدارىلعان جاپون ازاماتىنىڭ قاپاستان شىققاننان كەيىنگى ٴومىرى دە ٴساتتى ورنەكتەلگەن. احيكو اباقتىدان شىققان سوڭ ٴوز وتانىنداعى تۋعان-تۋىسىمەن قاۋىشادى. الايدا قازاقستانعا قايتا ورالىپ، قاراعاندى وبلىسىنداعى الاقانداي اۋىلدا تۇرۋدى قالايدى. سپەكتاكلدە ونىڭ اتا-اناسىمەن قوشتاسقان ٴساتى اسەرلى شىعادى. قويىلىمدى بۇعان دەيىن الماتى مەن قاراعاندى تۇرعىندارى تاماشالاپ تا ۇلگەردى. كورەرمەندەر اراسىندا تارتىسقا تولى تاعدىر يەسى، شىنايى شىعارما كەيىپكەرى – احيكو تەسۋرو دا بار.

«بۇل سپەكتاكل ارقىلى ٴبىز ەلىمىزدەگى كەلىسىم مەن ەلدىڭ بىرلىگىن پاش ەتپەكپىز. احيكونىڭ كوزى ارقىلى سوناۋ 1940 جىلدارعى قۋعىن-سۇرگىندى باستان وتكەرگەن، ۇلتتىق مەملەكەت قۇرۋدى ارمانداعان الاش زيالىلارىن كورسەتكىمىز كەلەدى. احيكو ارقىلى ادامنىڭ جاسامپاز رۋحىن كورسەتەمىز»، - دەيدى قويۋشى رەجيسسەر اسحات ماەميروۆ.

حابار 24

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي