BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ديماش قۇدايبەرگەنوۆتىڭ لوندوندا وتەتىن شوۋىنىڭ بيلەتتەرى 80% ٴوتىپ كەتكەن

فوتو: baribar.kz

استانا، baq.kz. بيلەتتەن تۇسكەن قاراجات قازاقستانداعى جاس تالانتتاردى قولداۋعا جۇمسالادى. بۇل تۋرالى bnews.kz سايتى حابارلايدى.

19 قاراشا كۇنى ديماش قۇدايبەرگەنوۆ لوندوندا كونسەرت وتكىزەدى. بۇل كونسەرت ۇلىبريتانياداعى قازاقستاننىڭ مادەنيەتى كۇندەرى اياسىندا وتەدى.

ونىڭ تىڭدارماندارى بيلەتتەردى تۇگەل دەرلىك ساتىپ العان. 19 قازان كۇنى ساتىلىمعا شىققان بيلەتتىڭ قازىرگى كەزدە 80%-ى ٴوتىپ كەتكەن. بيلەتتەن تۇسكەن قاراجات قازاقستانداعى جاس تالانتتاردى قولداۋعا جۇمسالادى.

«دوستار! مەن سىزدەرمەن لوندوندا كەزدەسۋدى تاعاتسىزدانا كۇتەمىن! دايىندالىڭىزدار! سىزدەرگە توسىنسىي ازىرلەدىم. كەرەمەت شوۋ بولادى! سونداي-اق، ساتىلىمدا ٴبىراز بيلەتتەر قالدى. axs.com سايتىنا كىرىپ، بيلەت ساتىپ الىڭىز»، - دەپ جازدى ول الەۋمەتتىك جەلى پاراقشاسىنا.

بىرەگەي شوۋ ايگىلى indigo at the o2-دە وتەدى. كورەرمەندەر ديماشتىڭ جاڭا باعدارلاماسىن كورەدى. ديماش دوسى دەنيس تەننىڭ قۇرمەتىنە sos d'un terrien ٴانىن ورىندايدى. ول ٴان سالىپ، بيلەپ قانا قويماي، ٴارتۇرلى مۋزىكالىق اسپاپتاردا وينايدى.

شوۋ قازاقستان رەسپۋبليكاسى مادەنيەت جانە سپورت مينيسترلىگى مەن ۇلىبريتانيانىڭ جانە سولتۇستىك يرلانديانىڭ بىرىككەن كورولدىگىندەگى قازاقستان رەسپۋبليكاسىنىڭ ەلشىلىگىنىڭ قولداۋىمەن ۇيىمداستىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي