BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

اۋليەاتادا « ۇلى دالا رۋحى» فەستيۆالى وتەدى

استانا، baq.kz. جامبىل وبلىسى əكىمدىگى ىشكى ساياسات باسقارماسى وڭىرلىك كوممۋنيكاسيالار قىزمەتىنىڭ ۇيىمداستىرۋىمەن « ۇلى دالا رۋحى» فەستيۆالى وتەدى.

فەستيۆالدىڭ ماقساتى ەلباسى ن.ٴا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنىڭ نەگىزىندە جامبىل وبلىسىنىڭ تۇرعىندارىنا ارنالعان رۋحاني-مادەني ٴىس-شارالار توپتاماسىن ۇسىنىپ، ۇلتتىق سالت-داستۇرلەرىمىزدى ناسيحاتتاپ، قۇندىلىقتارىمىزدى دارىپتەيتىن كورمەلەر ۇيىمداستىرۋ.

«دوستىق ٴۇيىنىڭ» ٴبىرىنشى قاباتىندا استانادان ارنايى كەلگەن يلليۋستراتور-سۋرەتشى اڭساعان مۇستافانىڭ تۋىندىلارى مەن باق جۇمىس جاسايتىن فوتوتىلشىلەردىڭ سۋرەت كورمەلەرى قويىلادى. سونىمەن قاتار ٴبىرىنشى قاباتتا ارنايى حەشتەگ رامكاسىمەن «تارازعا تىلەك» فوتوبۇرىشى ۇيىمداستىرىلادى.

«تارازعا تىلەك» فوتوالبومىنا تىلەك جازىپ، سۋرەتكە تۇسكەن جاندارعا « ۇلى دالا رۋحى» ٴىس-شاراسىنىڭ ارنايى سىيلىق دوربالارى (كۋلەك) بەرىلەدى. اتالعان شاراعا جينالعان جۇرتشىلىققا ناسيحاتشىلار توبى «جامبىلداعى رۋحاني جاڭعىرۋ» اتتى اقپاراتتىق بروشيۋرالارىن تاراتادى.

سونداي-اق « ۇلى دالا رۋحى» ٴىس-شاراسىنىڭ كونسەرتتىك باعدارلاماسى ۇسىنىلادى. كەشتە «الاش ۇلى» توبى، عاني ماتەبايەۆ، جازيرا سمەتوۆا، ەربوسىن قاسىمبەك سىندى انشىلەر ٴان شىرقايدى.

ٴىس شارا اياسىندا اۋليەاتالىق اقىن نۇرلىبەك قۇرمانوۆ پەن دارحان ٴابدىماناتتىڭ اراسىندا جەكپە-جەك ايتىس وتەدى. بۇدان بولەك تارازدىق جاس اقىندار جانعازى احمەت، نۇربولات جولداسبەك ۇلى، دانيار ٴالىمقۇل جىر سۇيەر قاۋىمعا ولەڭ شۋماقتارىن ارنايدى.

سونىمەن قاتار وبلىس اكىمدىگى ىشكى ساياسات باسقارماسىنىڭ باسشىسى بەرىك ٴۋالي قۇتتىقتاۋ ٴسوز سويلەپ، « ۇلى دالا رۋحى» فەستيۆالىنە قاتىسۋشىلاردى ماراپاتتايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي