BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اتىراۋدا «san-remo saraishyq» اتتى يتالياندىق مۋزىكا فەستيۆالى ٴوتتى

2 مىڭعا جۋىق كورەرمەن تاماشالاۋعا كەلگەن بۇل شارا سۇلتان بەيبارىس اتىنداعى الاڭدا ٴوتتى، دەپ حابارلايدى baq.kz اقپارات اگەنتتىگى اتىراۋ قالاسى اكىمىنىڭ ٴباسپاسوز قىزمەتىنە سىلتەمە جاساپ.

تامىزدىڭ 9-ى كۇنى سۇلتان بەيبارىس اتىنداعى الاڭدا اتىراۋ مۋزىكاسىنىڭ تاريحىندا «san-remo saraishyq» اتتى فەستيۆالى تۇڭعىش رەت ٴوتتى. كونسەرتتى ۇيىمداستىرۋشى قالالىق مادەنيەت جانە تىلدەردى دامىتۋ ٴبولىمى. اتىراۋ قالاسىنىڭ تۇرعىندارى مەن قوناقتارىن شىعارماشىلىقپەن قۋانتۋ ٴۇشىن يتاليانىڭ ٴار قالاسىنان «san remo» حالىقارالىق فەستيۆالىنەن 8 ٴارتىس كەلدى. ولاردىڭ اراسىندا الەمگە ايگىلى ارتىستەر - تانىمال تەنور رودولفو ماريا گوردوني، «san-remo» فەستيۆالىنىڭ تۇراقتى قاتىسۋشىسى جانە كومپوزيتور يسابەو بيففي، سونداي-اق تانىمال حالىقارالىق alt @moda توبى بار.

«اتىراۋعا مەن العاش رەت كەلدىم، قالا تۇرعىندارى مەنى جانە مەنىڭ ارىپتەستەرىمە قوناقجايلىلىق تانىتتى. ٴبىز تانىمال - toto cutunje، adriano celintano، richie جانە poveri، pupo، nada جانە باسقادا يتالياندىق ارتىستەردىڭ اندەرىنەن تۇراتىن ۇلكەن رەپەرتۋاردى الىپ كەلدىك. كورەرمەندەر ٴبىزدى وتە جىلى قارسى الىپ، بىزبەن بىرگە ٴان شىرقادى. وتە جاقسى كوڭىل-كۇي سىيلادى»، - دەيدى ٴانشى يسابەو بيففي.

ۇيىمداستىرۋشىلاردىڭ ايتۋىنشا، «سيۋزاننا»، «فەليچيتا» جانە باسقا دا كەڭەستىك ٴداۋىردىڭ باسقا دا تانىمال اندەرى اتىراۋ قالاسىنىڭ تۇرعىندارى ٴۇشىن، اسىرەسە، قارت ادامدار ٴۇشىن شىنايى مەرەكە بولدى.

«وسىنداي دارەجەدە وتكەن فيستيۆال قالامىزدىڭ تاريحىندا العاش بولىپ وتىر. بۇگىن شامامەن ەكى مىڭ كورەرمەن ايگىلى يتالياندىق ارتىستەردىڭ ونەرىمەن تانىسۋعا كەلدى. ەكى ەلدىڭ مادەنيەتى مەن ٴتىلىن بايلانىستىرۋ ٴبىزدىڭ باستى ماقساتىمىز بولاتىن. وسى ماقساتىمىز جۇزەگە استى دەپ ەسەپتەيمىن. ەندىگى كەزەكتە يتاليا ەلىندە قازاقستان ەستراداسىنىڭ كونسەرتىن قويىپ، يتالياندىقتاردى ٴبىزدىڭ مادەنيەتىمىز بەن تىلىمىزبەن تانىستىرساق جاقسى بولار ەدى»، - دەيدى اتىراۋ قالاسى مادەنيەت ٴبولىمىنىڭ باس مامانى قارلىعاش قۇماروۆا.

ايتا كەتسەك، «san-remo» – تانىمال يتالياندىق ٴان بايقاۋى. ٴار جىل سايىن اقپان ايىنىڭ ورتاسىندا يتاليانىڭ سولتۇستىك-باتىسىنداعى سان-رەمو قالاسىندا وتكىزىلەدى. بايقاۋ بۇرىن سوڭدى كوپشىلىكتە ورىندالماعان يتاليالىق كومپوزيتورلاردىڭ ٴتۇپنۇسقا اندەرىنىڭ بايقاۋى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي