BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

استانادا «eurasian stars» حالىقارالىق فەستيۆالى باستالدى

«قازاقستان» ورتالىق كونسەرت زالىندا «سوليستەر اكادەمياسى» مەملەكەتتىك وركەسترى «سوليستەر شەرۋى» اتاۋىمەن 27-كونسەرتتىك ماۋسىمىن اشتى. سونداي-اق، 5 قازان مەن 14 قازان ارالىعىندا وتەتىن «eurasian stars» حالىقارالىق فەستيۆالى باستالدى، دەپ حابارلايدى baq.kz ٴتىلشىسى.

«سوليستەر اكادەمياسى» مەملەكەتتىك وركەسترىندە 70-كە جۋىق كاسىبي مۋزىكانتتار، حالىقارالىق بايقاۋلاردىڭ لاۋرەاتتارى ەڭبەك ەتەدى.

«قازاقكونسەرت» مەملەكەتتىك كونسەرتتىك ۇيىمى ديرەكتورىنىڭ شىعارماشىلىق قىزمەت بويىنشا ورىنباسارى اننا كۇزەمبايەۆانىڭ ايتۋىنشا، وركەستر ماۋسىمى 1 قازاندا اشىلدى. بۇگىن ابونەمەنت #1 مەن «eurasian stars» حالىقارالىق فەستيۆالى اياسىندا ەكىنشى كونسەرت ٴوتىپ وتىر.

«eurasian stars» فەستيۆالىنىڭ باس ديرەكتورى، وركەستر ديريجەرى ميحايل كيرگحوفف وسى ماۋسىمدا وركەسترمەن بىرگە ونەر كورسەتەتىن شەتەلدىك مۋزىكانتتاردى اتاپ ٴوتتى.

«بىلتىر «ەۋرازيا مۋزىكالىق ويىندارىندا» 12 كونسەرت وتكىزدىك. بيىل فەستيۆال اياسىندا كونسەرت سانىن ازايتىپ، تانىمال جۇلدىزداردى، كاسىبي مۋزىكانتتاردى كوپتەپ شاقىردىق. فەستيۆال اياسىندا 6 كونسەرتتىڭ 3-ەۋى «سوليستەر اكادەمياسىمنىڭ» قاتىسۋىمەن وتەدى. ابونەمەنت ارقىلى قازان ايىنان باستاپ 27 جەلتوقسانعا دەيىن10 سيمفونيالىق كونسەرت تاماشالاۋعا بولادى. قالعان 14 كونسەرت كەلەسى جارتى جىلدىقتا وتەدى. بۇگىنگى كونسەرتكە ەۋروپالىق كورەرمەندەردى تامساندىرىپ ۇلگەرگەن تالانتتى سكريپكاشى-ۆيرتۋوز رەي چەن مەن ۇلكەن تەاتردىڭ وپەرالىق جانە سيمفونيالىق ديريجەرى، «زولوتايا ماسكا» سىيلىعىنىڭ يەگەرى پاۆەل كلينيچەۆ شاقىرىلدى. الداعى ۋاقىتتا پيانيست اننا ۋلايەۆا، ديريجەر ميشا كاتس كەلەدى. 20 جەلتوقساندا بيتلستىڭ كەشى وتەدى»، - دەدى كيرگحوفف.

كونسەرتتىڭ ارنايى قوناعى رەي چەن قازاقستانعا العاش رەت كەلىپ وتىرعانىن ايتىپ، ەل تۋرالى پىكىرىمەن ٴبولىستى.

«مەن العاش رەت قازاقستانعا كەلىپ تۇرمىن. بۇل جەرگە كەلگەنىمە قۋانىشتىمىن. مۋزىكانت بولساڭ الەمدى ارالايسىڭ، جاڭا داستۇرلەرمەن، ادامدارمەن تانىساسىڭ. وسىعان دەيىن قانشاما ەولدىم. جاڭا مەملەكەتتە بولۋ مەن ٴۇشىن ۇلكەن تاجىريبە. سوليست بولۋ وتە جاۋاپتى جۇمىس. الەمدى ارالاپ، ٴارتۇرلى مادەنيەتتى كورسەڭ دە كۇندەلىكتى دايىندىقتى قاجەت ەتەدى. وركەستر ٴسوليسى بولۋ وتە كەرەمەت. ديريجەر – باستىق، اكەڭ سياقتى، ال سوليست – ونىڭ بالاسى. پاۆەل ۇزدىك ديريجەرلەردىڭ ٴبىرى دەپ ايتا الامىن»، - دەدى رەي چەن.

ديريجەر پاۆەل كلينيچەۆ كونسەرتتىك باعدارلامامەن تانىستىردى: ا. شوردىڭ «حرۋستال ساراي» بالەتىنە ۋۆەرتيۋراسى، «تەڭىز پايزاجدارى» جانە «سۇڭقاردىڭ» ۇشۋى» اتتى شىعارمالارى، دج. ۋيليامستىڭ «شيندلەردىڭ ٴتىزىمى» فيلمىنە جازعان ساۋندترەگى، فرانسۋز كومپوزيتورى جورج بيزەنىڭ «دو ماجور سيمفونياسى» ورىندالدى.

«ۇجىمنىڭ كاسىبي دەڭگەيى جوعارى. ۇجىممەن كوپ جۇمىس ىستەدىك. وركەستر وسى ەكى كۇن ىشىندە كۇردەلى مۋزىكالىق باعدارلامالاردى مەڭگەردى. وركەستردىڭ پەيىلى، جيناقىلىعى ۇنادى. بىرگە جۇمىس ىستەگىسى كەلەدى. مەن ديريجەرلىك ينتەرپرەتاسيا قوسا الامىن. اكادەميا سوليستەرىمەن مۇنى جاساي الدىم دەپ ويلايمىن. (...) رەي جۇمساقتاۋ، ديريجەر مەن مۋزىكانتتىڭ اراسى ەكى باۋىردىڭ قاتىناسى دەر ەدىم، ديالوگ بولۋى ٴتيىس. ديريجەر وركەسترگە كومەكتەسۋى قاجەت. اكەسى بالاسىنا كومەكتەسكەنىمەن، كەيدە قاتتى بولادى. ال ديريجەر جۇمساق بولۋى كەرەك»، - دەدى پاۆەل كلينيچەۆ .

ميحايل كيرگحوفف «eurasian stars» فەستيۆالى تۋرالى ايتىپ بەردى.

«ەۋرازيالىق ويىنداردى» ويلاپ تاۋىپ، ديرەكتور بولدىم. ۆوكال، فورتەپيانو، سكريپكا بويىنشا كونكۋرس وتكىزدىك. بىلتىر 12 كونسەرت ٴوتتى. بيىل «ويىندارى» ٴسوزىن «جۇلدىزدارى» سوزىنە اۋىستىرىپ، فەستيۆال بولاتىن بولدى. گەوگرافياسىنا كەلەر بولساق، الەمنىڭ ٴارتۇرلى ەلىنەن سوليست، ديريجەر، مۋزىكانتتاردى شاقىرامىز. گەرمانيا، اقش، يتاليا، رەسەي، ۋكراينا، اۆستراليادان كەلەدى. «ەۋرازيا جۇلدىزدارى» دەپ اتالعان سەبەبى قازاقستاننىڭ ورنالاسقان جەرىنە بايلانىستى، ياعني ەۋرازيانىڭ جۇرەگىنە الەمدىك مۋزىكا جۇلدىزدارىن جينايمىز»، - دەدى ول.

فەستيۆال اياسىندا قازاقستانعا پيانيستەر بايقاۋىنىڭ جەڭىمپازى اننا ۋلايەۆا، بۇكىلالەمدىك اتاقتى ەستونيا-امەريكاندىق ديريجەرى كريستيان يارۆي، «بنەي-بريت» التىن مەنورا يەگەرى ميشا كاس، رەسەيدىڭ ەڭبەك سىڭىرگەن ٴارتىسى بوريس اندريانوۆ، ەڭ بەدەلدى حالىقارالىق جارىستاردىڭ، ونىڭ ىشىندە ۆەناداعى گەربەرت فون كارايانانىڭ جەڭىمپازى ارميان ٴپيانيسى نارە ارگامانيان، حالىقارالىق بايقاۋلار لاۋرەاتتارى مەرۋەرت كارمەنوۆا، نيكولا پەرەتتو جانە ۆاسيليي ستەپانوۆ شاقىرىلىپ وتىر.

ايتا كەتسەك، «سوليستەر اكادەمياسى» مەملەكەتتىك كامەرالىق وركەسترى – قازاقستان رەسپۋبليكاسىنىڭ جەتەكشى مۋزىكالىق ۇجىمى، 1991 جىلى قازاقستان رەسپۋبليكاسىنىڭ حالىق ٴارتىسى، مەملەكەتتىك سىيلىقتىڭ لاۋرەاتى، بەلگرادتاعى (1976)، گەنۋياداعى پاگانيني اتىنداعى (1981)، توكيوداعى (1983)، حەلسينكيدەگى سيبەليۋس اتىنداعى (1985)، ماسكەۋدەگى چايكوۆسكيي اتىنداعى (1986) حالىقارالىق كونكۋرستاردىڭ لاۋرەاتى، قازاق ۇلتتىق ونەر ۋنيۆەرسيتەتىنىڭ رەكتورى، الەمگە تانىمال سكريپكاشى، وركەستردىڭ كوركەمدىك جەتەكشىسى ايمان مۇساقوجايەۆانىڭ باستاماسىمەن قۇرىلعان. وركەستر 1993 جىلى ۇكىمەت قاۋلىسىمەن مەملەكەتتىك كامەرالىق وركەستر مارتەبەسىنە يە بولىپ، 20 جىل بويى «سوليستەر اكادەمياسى» كامەرالىق وركەسترى وتاندىق ساحنالاردا دا، شەتەلدىك ساحنالاردا دا ونەر كورسەتىپ، قازاقستاننىڭ مۋزىكالىق ونەرى مەن ورىنداۋشىلىق ٴداستۇرىن شەتەلدە ابىرويمەن تانىستىرىپ، حالىقارالىق مادەني بايلانىستاردى دامىتىپ وتىر.

سونداي-اق، بيىل العاش رەت «سوليستەر اكادەمياسى» مەملەكەتتىك وركەسترى كورەرمەندەرگە ابونەمەن الۋ مۇمكىندىگىن جاسادى. بۇل ابونەمەنت ارقىلى 2018 جىلدىڭ قازان ايىنان باستاپ 27 جەلتوقسانعا دەيىن 10 كونسەرتتىك باعدارلامانى تاماشالاۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي