BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

استانادا «دىبىس پوەزياسى مەن ٴسوز سازى» كونسەرتى وتەدى

استانا، baq.kz. «استانا وپەرا» تەاترىنىڭ جەتەكشى سوليستەرى مەن شەبەر اسپاپشىلارى تىڭدارمان نازارىنا كەرەمەت باعدارلاما ۇسىنباق. 12 جەلتوقسان كۇنى ەلوردالىق تەاتردىڭ كامەرالىق زالىندا «دىبىس پوەزياسى مەن ٴسوز سازى» كونسەرتى وتەدى.

"رومانتيكالىق كەشتىڭ تاقىرىبى – پوەزيا مەن مۋزىكانىڭ ٴوزارا قارىم-قاتىناسى، مۋزىكالىق تۋىندىلاردا پوەتيكالىق سوزدەردىڭ كورىنىس تابۋى. پوەزيا مۋزىكانىڭ تەرەڭدىگى مەن مانەرلىلىگىن سەزىنۋگە كومەك بەرسە، ال مۋزىكا، ٴوز كەزەگىندە، ولەڭمەن جازىلعان بەينەلەردىڭ بارىنشا قانىق ٴارى ايقىن اشىلۋىنا سەپتىگىن تيگىزەدى. پوەزيا مەن مۋزىكانىڭ ٴوزارا بايلانىسىن ٴتۇسىنۋ اۆتوردىڭ تۇپكى ويىنا تەرەڭ بويلاپ، وزىڭە ونەردىڭ ۇلى جاۋھارلارى ارقىلى تىڭ دۇنيەلەردى اشۋعا مۇمكىندىك بەرەدى"، - دەپ اتاپ ٴوتتى كونسەرت اۆتورى ەلەنا ساحنو.

كامەرالىق زال ساحناسىنا وپەرانىڭ جارىق جۇلدىزدارى – قازاقستاننىڭ ەڭبەك سىڭىرگەن ٴارتىسى، قر مەملەكەتتىك سىيلىعىنىڭ لاۋرەاتى مايرا مۇحامەدقىزى، قازاقستاننىڭ ەڭبەك سىڭىرگەن قايراتكەرى دينا حامزينا، باشقۇرتستاننىڭ ەڭبەك سىڭىرگەن ٴارتىسى الفيا كاريموۆا، حالىقارالىق بايقاۋلاردىڭ لاۋرەاتتارى ەۆگەنيي چاينيكوۆ، رامزات بالاكيشيەۆ، سونداي-اق «استانا وپەرا» تەاترلىق بالالار ستۋدياسىنىڭ حورى، حورمەيستەرى – التىنعانىم احمەتوۆا شىعادى. دارىندى اسپاپشى-مۋزىكانتتار – كيريلل كراسيۋكوۆ (سكريپكا)، كۋرۆانجان احاتوۆ (ۆيولونچەل)، ليۋبوۆ تكاچەنكو (ارفا) ٴوز ونەرلەرىن پاش ەتپەك. فورتەپيانو پارتياسىندا – مادەنيەت قايراتكەرى ەلەنا ساحنو.

«استانا وپەرا» تەاترى ارتىستەرىنىڭ ورىنداۋىندا اتاقتى كلاسسيك-كومپوزيتورلاردىڭ ۇلى پوەزيانى بىرەگەي ۇسىنا بىلگەن ٴارى كوپشىلىك ٴسۇيىپ تىڭدايتىن تۋىندىلارى شىرقالادى. ولاردىڭ قاتارىندا گەتەنىڭ سوزىنە جازىلعان ابايدىڭ «قاراڭعى تۇندە تاۋ قالعىپ»، ن.كۋكولنيكتىڭ سوزىنە م.گلينكانىڭ «سومنەنيە»، ا.تولستويدىڭ سوزىنە پ.چايكوۆسكييدىڭ «تو بىلو راننەيۋ ۆەسنوي»، پ.كوزلوۆتىڭ سوزىنە ا.وپپەلدىڭ «زابىلي ۆى» جانە ت.ب. اندەرى بار.

ا.پۋشكيننىڭ سوزىنە جازىلعان ۆوكالدىق تۋىندىلار ورىندالاتىن بولادى، اتاپ ايتقاندا، ابايدىڭ تاتيانانىڭ ٴانى «امال جوق، قايتتىم بىلدىرمەي»، م.گلينكانىڭ «يا پومنيۋ چۋدنوە مگنوۆەنە»، «ۆ كروۆي گوريت وگون جەلانيا»، ن.ريمسكيي-كورساكوۆتىڭ «رەدەەت وبلاكوۆ لەتۋچايا گريادا»، «نا حولماح گرۋزيي»، س.راحمانينوۆتىڭ «نە پوي، كراساۆيسا، پري منە»، ا.دارگومىجسكييدىڭ «يۋنوشا ي دەۆا»، س.كيۋيدىڭ «سارسكوسەلسكايا ستاتۋيا» جانە ت.ب.

تىڭدارماندارعا پ.چايكوۆسكييدىڭ «پيكوۆايا داما» وپەراسىنان گرافينيانىڭ جاتىن بولمەسىندەگى ساحنالىق كورىنىسى، ن.ريمسكيي-كورساكوۆتىڭ «التىن قوراز» وپەراسىنان شەماحان پاتشايىمىنىڭ ارياسى، «پاتشا قالىڭدىعى» وپەراسىنان ليۋباشا مەن ەليسەي بومەلييدىڭ ساحنالىق كورىنىسى سىندى كلاسسيكالىق وپەرا جاۋھارلارىنان ۇزىندىلەر ۇسىنىلادى. بۇدان بولەك، ب.اسافەۆتىڭ «باقشاساراي بۇرقاعى» بالەتىنەن اسپاپتىق مۋزىكا، ك.داۆىدوۆتىڭ «ۋ فونتانا» ۆيولونچەل مەن فورتەپيانوعا ارنالعان پەساسى ت.ب. شىرقالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي