BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

استانادا اماندوس اقانايەۆتىڭ كوركەمسۋرەت كورمەسى اشىلدى

ەلوردادا تاۋەلسىزدىك سارايىندا بەلگىلى قازاقستاندىق سۋرەتشى اماندوس اقانايەۆتىڭ كورمەسى ٴوز جۇمىسىن باستادى، دەپ حابارلايدى baq.kz اقپارات اگەنتتىگى.

ەكسپوزيسيا ٴارتيستىڭ 70 جىلدىعىنا جانە ونىڭ شىعارماشىلىق قىزمەتىنىڭ 50 جىلدىعىنا ارنالىپ وتىر. اماندوس اقانايەۆ – قازاقستاننىڭ ونەر قايراتكەرى، قر مەملەكەتتىك سىيلىعىنىڭ لاۋرەاتى جانە بارشا الەمگە تانىمال تالانتتى سۋرەتشىلەر اۋلەتىندەگى ەڭ ۇلكەنى. «اقانايەۆتار اۋلەتى» اتتى كورمە استانانىڭ 20 جىلدىعى جانە «رۋحاني جاڭعىرۋ» باعدارلاماسى اياسىندا ۇيىمداستىرىلدى. كورمە شىلدەنىڭ 9-ى مەن تامىزدىڭ 9-ى ارالىعىندا جۇمىس ىستەيدى.

كورمەنىڭ باستى يدەياسى – «مەنىڭ زامانداستارىم» اتتى جانرلىق پورترەتتەر سيكلى، وعان 20-دان اسا كارتينا ەنگەن، اتاپ ايتقاندا، ٴبىلىم، مادەنيەت جانە بەينەلەۋ ونەرى سالالارىنداعى ەلىمىزدىڭ بەلگىلى تۇلعالارىنىڭ پورترەتتەرى. سۋرەتشى اتالمىش جوباعا ون جىلدان استام ۋاقىتىن جۇمساعان جانە الداعى جىلدارى بۇل جۇمىستى جالعاستىرماق. پورترەتتەر سيكلى اماندوس اقاناۆەتىڭ جانە ونىڭ وتباسى مۇشەلەرىنىڭ – «سۋرەتشى اقانايەۆتار اۋلەتىنىڭ» شىعارماشىلىق تۋىندىلارىمەن تولىقتىرىلىپ وتىرادى. بۇدان باسقا، كورمەگە قىتاي سۋرەتشىلەر وداعىنىڭ مۇشەسى سيۋي ينلي دە قاتىسۋدا.

ەكسپوزيسيا كەنەپكە سالىنعان سۋرەتتەر، كوللاج، رەلەفتى كەسكىندەمە، گرافيكا، قابىرعاعا سالىنعان سۋرەتتەردىڭ نوبايلارى جانە ينستاللياسيالار سەكىلدى ٴتۇرلى تەحنيكادا – 70-تەن اسا ەڭبەكتەن تۇرادى.

سۋرەتشى اقانايەۆتار اۋلەتىنىڭ قالىپتاسقانىنا كوپ جىل بولدى. ونىڭ نەگىزىن قالاۋشىلار اقانايەۆ اماندوس پەن بۋبە نەللي (قر ەڭبەك سىڭىرگەن مادەنيەت قايراتكەرى، قر كوركەمسۋرەت اكادەمياسىنىڭ اكادەميگى) – حالىق شەبەرلەرىنىڭ ۇرپاقتارى ولاردىڭ بالالارى رۋسلان، بوتاگوز، ەسكەندىر – قازاقستاندا جانە شەتەلدە تانىمال سۋرەتشىلەر. نەمەرەلەرى: اسپارۋح، مۇحيت، رادا، گلەب، الەكساندرا جانە مۇحيتتىڭ زايىبى دارينا دا شىعارماشىلىقپەن اينالىسادى جانە ٴوز ەڭبەكتەرىن وتباسىلىق كورمەلەردە كوپشىلىك نازارىنا ۇسىنادى.

«اقانايەۆتار اۋلەتى» كورمەسى ٴوز كەلۋشىلەرىن كۇن سايىن ساعات 10.00-دەن 18.00-گە دەيىن كۇتەدى. انىقتاما تەلەفوندارى: 701-392.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي