BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

«استانا وپەرادا» اتاقتى بالەتمەيستەردىڭ شەبەرلىك ساباعى وتۋدە

«استانا وپەرادا» 2-13 قازان ارالىعىندا پەداگوگ، حورەوگراف، الەمدىك بالەت جۇلدىزى وليۆە پاتەيدىڭ شەبەرلىك ساباعى ٴوتىپ جاتىر، دەپ حابارلايدى ۆaq.kz اقپارات اگەنتتىگى.

وليۆە پاتەي – فلاندريا كورولدىك بالەتىنىڭ تالىمگەر ۇستازى، پاريجدىك بالەت ترۋپپاسىنىڭ پرەمەرى، كوپتەگەن بەدەلدى حالىقارالىق بايقاسدىڭ قازىلار مۇشەسى. الەمنىڭ ٴتۇرلى ەلىندە تۇراقتى تۇردە شەبەرلىك ساباقتارىن وتكىزەدى، ال قويىلىمدارى ەۋروپا، ازيا جانە امەريكا كورەرمەندەرىنىڭ ٴىلتيپاتىنا بولەنىپ، تابىسقا يە بولىپ ٴجۇر.

وليۆە پاتەي پاريج ۇلتتىق وپەراسى جانىنداعى بي مەكتەبىندە، كەيىن لوندونداعى كورولدىك بالەت مەكتەبىندە بي ونەرىن ۇيرەندى. تاماشا مانساپ جولىندا دج.بالانچين، دج.روببينس، ر.پەتي، ر.نۋرەەۆ، يۋ.گريگوروۆيچ جانە ونەردەگى وزگە دە ۇلى تۇلعالارمەن بىرلەسىپ قىزمەت ەتتى.

«استانا وپەرا» ترۋپپاسىمەن كلاسسيكالىق بي ساباقتارىن وتكىزۋ بارىسىندا ايگىلى بالەتمەيستەر اۋەزدىلىككە، كىشىگىرىم اياق قيمىلدارىنا، بي قوزعالىستارىن جاساۋ كەزىندە دەنە، قول جانە باستى دۇرىس ۇستاۋ قالپىنا ٴمان بەرىلەتىن پليە، لەگاتو، پور دە برا قيمىلدارىنا ەرەكشە نازار اۋدارادى. اتالعان وزگەشەلىكتەردى ەسكەرە وتىرىپ، مۇقيات جاتتىعۋدىڭ ارقاسىندا ارتىستەردىڭ ٴاربىر قوزعالىسى ەركىن ٴارى جەڭىل بولىپ كورىنەدى.

«استانا قالاسى ماعان بۇرىننان تانىس، مۇندا مەن 2011 جىلى پاريج وپەراسىنىڭ ەتۋالدەرى م.يۋرەل جانە ك.پاكەتتپەن بىرگە كەلگەنمىن، ٴبىراق بۇل مەنىڭ وسى كەرەمەت تەاترعا العاشقى كەلۋىم. «استانا وپەرا» بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا – الەمدىك دەڭگەيدەگى اتاقتى بالەرينا جانە مەن ونىڭ شاقىرتۋىنا شىنايى ريزاشىلىعىمدى بىلدىرەمىن. بايقاۋىمشا، ارتىستەردىڭ تەحنيكاسى تاماشا ٴارى شىن مانىندە مەكتەبى مىقتى»، - دەپ ٴبولىستى وليۆە پاتەي.

پەداگوگ قازاقستاندىقتار وتە جايدارلى، قوناقجاي ادامدار ەكەنىن جانە وعان ەلوردالىق ترۋپپامەن جۇمىس جاساۋ وتە ىڭعايلى ەكەنىن اتاپ ٴوتتى.

«ارتىستەردىڭ ساباقتارىمدى شاپشاڭ جانە العىرلىقپەن قابىلداۋى، بارلىق تاپسىرمانى راحاتتانا جاساۋى مەنى قاتتى قۋانتادى. ساباقتا ماتەريالدى تولىق يگەرۋلەرى ٴۇشىن ولاردى اسىقتىرماۋعا تىرىسامىن، كەيدە ترۋپپا ٴوزىن ەركىن سەزىنسىن دەپ ٴازىل دە ايتامىن. پەداگوگ رەتىندە مەن ارتىستەردىڭ جەتىلىپ، كاسىبي ٴوسۋى ٴۇشىن ولارمەن تىم قاتاڭ بولماي، ٴبىراق دامىتۋ جانە كومەكتەسۋ ماڭىزدى دەپ ەسەپتەيمىن»، - دەدى بالەتمەيستەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي