BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

استانا وپەرا جانە بالەت تەاترىنان كەتكەن دوسجان تابىلدى قانداي بيزنەستى قولعا الدى

وسىدان ٴبىر جىل بۇرىن دوسجان تابىلدى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنان كەتىپ، جەكەمەنشىك جوبالاردى قولعا الاتىنىن ايتقان-دى. وسى ورايدا، ارتيست baq.kz تىلشىسىنە بەرگەن سۇحباتىندا ٴدال ٴقازىر قانداي بيزنەسپەن اينالىسىپ جۇرگەنىن ايتىپ بەردى. سونداي-اق، ول بارشا ادامزاتتى تۇرىپ جاتقان پلانەتاعا قامقور بولۋعا شاقىردى.

«كەز كەلگەن شىعارماشىلىق پروسەسس – بۇل ۇلكەن ەڭبەك. استانا وپەرا جانە بالەت تەاترىنان كەتكەنىمە، راسىمىن دە، ٴبىر جىل ٴوتتى. مەن سانالى تۇردە بۇل تەاتردان كەتتىم. اراداعى كوپىردى ورتەگەن جوقپىن. ٴبىزدىڭ ٴالى كۇنگە دەيىن بىر-بىرىمىزبەن قارىم-قاتىناسىمىز جاقسى، كەرەك كەزدە كومەكتەسىپ تۇرامىز. مىسالى، ماعان زال كەرەك بولعان كەزدە كومەك سۇرايمىن. قۇدايعا شۇكىر، بىزدە ادەمى عيماراتتار بار. مۇنىڭ بارلىعى ۇلتىمىزدىڭ ليدەرى نۇرسۇلتان نازاربايەۆتىڭ ارقاسى دەپ بىلەمىن. مۇندا كەلەتىن الەمدىك دەڭگەيدەگى جۇلدىزدار ٴاردايىم تاڭعالادى»، - دەيدى دوسجان تابىلدى.

حورەوگرافيا سالاسىندا جيىرمادان استام جىل تاجىريبەسى بار ارتيست ەندى وسى تاجىريبەسىن وزگەلەرمەن ٴبولىسىپ جۇرگەنىن ايتتى. سونداي-اق، ول ٴوزىنىڭ حالىقارالىق دەڭگەيدەگى جۇلدىزدارمەن قاتار جۇمىس ىستەگەنى ٴۇشىن ماقتان تۇتاتىنىن جاسىرمادى.

«بۇگىنگى تاڭدا مەن «تابىلدى dance» ورتالىعىنىڭ قۇرۋشىسى ٴارى ديرەكتورىمىن. ەگەر گولوۆكين ٴوزىنىڭ جاتتىعۋ زالىن اشسا، ادامدار سول جەردە جاتتىعۋدى ٴجون كورەتىن ەدى. ال بالەتپەن اينالىسقىسى كەلەتىن ادامدار دوسجان تابىلدىنى ىزدەيدى. بۇگىنگى تاڭدا مەنىڭ 80-نەن استام شاكىرتىم بار. ولاردىڭ بارلىعى – 4 پەن 55 جاس ارالىعىنداعى ازاماتتار. ورتالىعىم ادامدارعا ۇنايدى. سەبەبى، بۇل جەردە مەن شەبەرلىگىمنىڭ قۇپياسىن بولىسەمىن. سونداي-اق، ولار ناتيجەنى كوزدەرىمەن كورىپ، ىشتەي سەزىنەدى. بۇل جەردە ادامنىڭ وزىمەن جۇمىس ىستەۋى ٴۇشىن موتيۆاسيا دا بار. تابىستى ٴارى تانىمال بولا تۇرا اقىماق بولعان ارتيست جوق. بۇل ٴبىلىمنىڭ بارلىعى ۇلكەن ەڭبەكپەن كەلدى. مەنىڭ حورەوگرافيا سالاسىنداعى تاجىريبەم 23 جىلدان اسادى. ٴارى وسى تاجىريبەمدى حالىقارالىق دەڭگەيدە ٴجۇرىپ جيناقتاعانىما شەكسىز ريزامىن. وسى تاجىريبەمدى ٴبىر تەڭىزگە جيناپ، شولىركەگەن ادامدارمەن بولىسپەكپىن»، - دەيدى ول.

مۇنىمەن قاتار، دوسجان تابىلدى مەملەكەتتىك جوبالاردى قولعا الىپ، ادامزات ٴۇشىن ماڭىزدى دەگەن تاقىرىپتاردا بەينەباياندار ٴتۇسىرىپ جۇرگەنىن ايتتى.

«مۇنىمەن قاتار، جەكەمەنشىك جوبالارمەن اينالىسامىن. مەملەكەت تاراپىنان دا كوپتەگەن جوبا كەلىپ تۇسەدى. ولاردىڭ بارلىعىن شەتىنەن قولعا الىپ جاتىرمىن. بارلىعى دا قىزىق. جۋىردا ارال تەڭىزى تراگەدياسى تۋرالى بەينەبايان ٴتۇسىرىلدى. مەن ول جەرگە كومانداممەن بىرگە باردىم. بۇل ەكولوگيالىق اپات تەك قازاقستانعا ەمەس، جەر پلانەتاسىنا تيەسىلى. مەن بارلىق ادامدى ٴبىر-بىرىمىزدى سىيلاۋعا، تۇرىپ جاتقان پلانەتامىزدى كۇتىپ ۇستاۋعا شاقىرعىم كەلدى. الداعى ۋاقىتتا دا كوپتەگەن جوبانى قولعا الاتىنىما سەنىمدىمىن»، - دەيدى ارتيست.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي