BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

استانا اكىمدىگىندە ارتىستەر ماراپاتتالدى

استانا، baq.kz. استانا اكىمدىگىندە قازاقستاننىڭ وڭىرلەرىندە استانا كۇندەرىن وتكىزۋگە اتسالىسقان شىعارماشىلىق ۇجىمدارى مەن ارتىستەردى سالتاناتتى ماراپاتتاۋ ٴراسىمى ٴوتتى. بۇل تۋرالى استانا قالاسىنىڭ مادەنيەت جانە سپورت باسقارماسىنىڭ ٴباسپاسوز قىزمەتى حابارلايدى.

باقىت سۇلتانوۆتىڭ اتىنان العىس حاتتاردى استانا اكىمىنىڭ ورىنباسارى ەرمەك امانشايەۆ جانە ەلوردالىق مادەنيەت جانە سپورت باسقارماسىنىڭ باسشىسى بولات ماجاعۇلوۆ تابىستادى.

«مامىر ايىندا ەلوردانىڭ 20 جىلدىعىن مەرەكەلەۋ اياسىندا ەلوردالىق ارتيستەر توبى قازاقستاننىڭ وڭىرلەرىنە اتتاندى. بارلىق جەردە كورەرمەندەر سىزدەردى قوشەمەتپەن قارسى السا، ايماق باسشىلارى شىعارماشىلىقتارىڭىزعا جوعارى باعاسىن بەرىپ جاتتى. استانانىڭ قالىپتاسۋىنا ەلەۋلى ۇلەس قوسىپ جۇرگەندەرىڭىزگە العىس ايتامىن، سىزدەردىڭ ارقالارىڭىزدا استانانىڭ مادەنيەتى وتە جوعارى دەي الامىن»، - دەدى ەرمەك امانشايەۆ ٴوز سوزىندە.

ەلوردانىڭ مەرەيتويىنا ورايلاستىرىلعان گاسترولدىك تۋرلار مامىر ايىنان قىركۇيەككە دەيىن سوزىلىپ، وڭىرلەردىڭ ٴىرى قالالارىندا جانە ەلىمىزدىڭ 14 وڭىرىندە وتكىزىلدى، اتاپ ايتقاندا، اقتوبە، باتىس قازاقستان، اتىراۋ، ماڭعىستاۋ، اقمولا، سولتۇستىك قازاقستان، شىعىس قازاقستان، قوستاناي، پاۆلودار، قاراعاندى، تۇركىستان، قىزىلوردا، جامبىل، الماتى وبلىستارىندا، رەسپۋبليكالىق ماڭىزداعى الماتى جانە شىمكەنت قالالارىندا. استانا قالاسى مادەنيەت جانە سپورت باسقارماسىنىڭ ۆەدومستۆوعا قاراستى مەكەمەلەرىنىڭ كۇشىمەن جاز بويى اتالعان قالالاردا 40 كونسەرت ۇيىمداستىرىلدى، ونىڭ ىشىندە open air فورماتىنداعى 5 اۋقىمدى كونسەرت، 45 تەاترلاندىرىلعان قويىلىم، 16 كوركەمسۋرەت كورمەسى، سيرك قويلىمدارى، سپورتتىق جارىستار جانە ت.ب. بار.

«قازاقستاننىڭ وڭىرلەرىندە استانانىڭ 20 جىلدىعىن مەرەكەلەۋگە بارىنشا كۇش سالدىق. بارلىق ەلوردالىق شىعارماشىلىق ۇجىمدار، تامارا اسار، تۇرسىنبەك قاباتوۆ، كلارا تولەنبايەۆا، قايرات باەكەنوۆ سىندى بەلگىلى ارتيستەر، تاعى باسقالارى بۇل باستامامىزدى قولداپ، ۋاقىتتارىنىڭ تىعىزدىعىنا قاراماستان قازاقستان بويىنشا تۋرنەگە قاتىستى. وڭىرلەردە وتكىزگەن شارالاردى 100 مىڭنان اسا كورەرمەن تاماشالاعان، ونىڭ ىشىندە وبلىستاردىڭ اكىمدەرى، الماتى اكىمى باۋىرجان بايبەك تە بار»، - دەدى استانا قالاسىنىڭ مادەنيەت جانە سپورت باسقارماسىنىڭ باسشىسى بولات ماجاعۇلوۆ.

گاسترولدىك ساپارعا استانادان «سارىارقا» حالىق مۋزىكاسى ٴانسامبلى، «شالقىما» حالىق ٴبيى، ەسترادالىق بي انسامبلدەرى، عازيزا جۇبانوۆا اتىنداعى ىشەكتى كۆارتەت، ا.ابىلايەۆ جەتەكشىلىك ەتكەن «استانا» ەسترادالىق-سيمفونيالىق وركەستر، كامەرالىق حور، «قورقىت» ٴداستۇرلى مۋزىكا توبى، ايتقالي جايىموۆ جەتەكشىلىك ەتەتىن مەملەكەتتىك اكادەميالىق فيلارمونيانىڭ ۇرمەلى اسپاپتار جانە قازاق وركەسترلەرى، استانالىق سيرك ۇجىمداتى شىققان بولاتىن. ق.قۋانىشبايەۆ اتىنداعى قازاق اكادەميالىق دراما تەاترىنىڭ، م.گوركيي اتىنداعى ورىس دراما تەاترىنىڭ، قۋىرشاق تەاترىنىڭ، «جاستار» تەاترىنىڭ جانە «ناز» بي تەاترىنىڭ وكىلدەرى وزدەرىنىڭ ۇزدىك قويىلىمدارىن كوپشىلىك نازارىنا ۇسىندى. قازاقستاندىق قىلقالام شەبەرلەرىنىڭ 100-دەن اسا ەڭبەگى قويىلعان «اق تىلەكپەن، استانا» اتتى كورمەسى وڭىرلەردىڭ تۇرعىندارىنىڭ ەرەكشە ىقىلاسىنا بولەندى.

«ٴبارىمىز دە شىعارماشىلىق جولىمىزدى استانادان باستادىق، ەلوردامىزبەن بىرگە وسىپ-وركەندەدىك. وسىندا ارتيست اتاندىق، مانساپ قۋىپ، شاڭىراق كوتەردىك. ەلىمىزدىڭ باس قالاسىنىڭ 20 جىلدىعىن مەرەكەلەۋگە قاتىسۋ ٴبىز ٴۇشىن زور ماقتانىش. وسىنداي قىسقا عانا ۋاقىت ىشىندە استانا ۇلى قالاعا اينالادى دەپ ەشكىم دە ويلاماعان، ال ٴقازىر ٴبىز بارلىعىنىڭ دا استاناعا كەلىپ، جۇمىس ىستەۋگە تىرىساتىنىن كورىپ ٴجۇرمىز»، - دەدى بەلگىلى ازىلكەش تۇرسىنبەك قاباتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي