BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

الماتىدا سۋرەتشىلەر كورمەسى ٴوتىپ جاتىر

فوتو: Афтор

قالا كۇنىنە وراي «المالى-الما-اتا-almaty» تاقىرىبىندا وتكەن بەينەلەۋ پلەنەرىنىڭ قورتىندىسى بويىنشا كورمە اشىلدى، دەپ حابارلايدى baq.kz اقپارات اگەنتتىگىنىڭ ٴتىلشىسى.

اتالعان شارانى قازاقستان سۋرەتشىلەر وداعى الماتى قالاسى اكىمدىگىنىڭ قولداۋىمەن وتكىزگەن. سۋرەتشىلەر 10 كۇن بويى قالانىڭ ٴار تۇكىپىرىندە جۇمىس ىستەپ، كونە عيماراتتار مەن جاڭادان بوي كوتەرگەن نىسانداردى بەينەلەگەن. سۋرەتشىلەردىڭ قىلقالامىنان تۋعان ەسكى جانە جاڭا عيماراتتاردىڭ بەينەسى قالا تاريحىنان سىر شەرتەدى.

كورمەنىڭ اشىلۋ راسىمىندە الماتى قالاسى اكىمدىگىنىڭ مادەنيەت جانە مۇراعاتتار باسقارماسىنىڭ وكىلى نازەركە امانبايەۆا ٴسوز سويلەپ، سۋرەتشىلەرگە ىزگى تىلەگىن ٴبىلدىردى.

«تامىرى تەرەڭ، ٴداستۇرلى مادەنيەتىمىزدىڭ ەرەكشە ٴبىر سالاسى بەينەلەۋ ونەرى. بۇل قالالىق پلەنەر، بايقاۋلار كەلەشەك ۇرپاق ٴۇشىن جانە مادەنيەتىمىزدىڭ رۋحاني دامۋى جولىندا اتقارىلىپ جاتقان يگى ىستەر»، - دەيدى ول.

سۋرەتشىلەر وداعىنىڭ ٴتوراعاسى ومىربەك جۇبانيازوۆ اتالعان پلەنەرگە ون سۋرەتشى ىرىكتەلىپ الىنعاندىعىن جانە وسى شارا اياسىندا سالىنعان جۇمىستار بويىنشا الداعى ۋاقىتتا كەڭەيتىلگەن كورمە ۇيىمداستىرىلاتىنىن جەتكىزدى.

«بۇل شارانى وتكىزۋ ٴۇشىن سۋرەتشىلەر وداعىنىڭ حاتشىلىعىمەن 10 سۋرەتشى تاڭداپ الىندى. ولاردىڭ قاتارىندا الەسەي ۋتكين، عاني بايان، حاميت فايزۋلين، نۇرلان قىيلىباي، جامبىل ناتبايەۆ، عاليا ماقاشەۆا، باتان شاتتىق، سۆەتا سوي، زارينا چۋكيتايەۆا، الماس نۇرقوجايەۆ سىندى قىلقالام يەلەرى بار. بۇگىن وسى سۋرەتشىلەردىڭ پلەنەر اياسىندا سالعان جۇمىستارى كورمەگە قويىلىپ، جۇرتشىلىق نازارىنا ۇسىنىلۋدا»، -دەيدى ٴو. جۇبانيازوۆ.

پلەنەر-بايقاۋدىڭ ناتيجەسىندە ٴبىرقاتار سۋرەتشىلەر ماراپاتتالىپ، اقشالاي سىيلىقتار تابىستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي