BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

الەمدىك دەڭگەيدەگى مۋزىكانتتار قاراعاندىدا شەبەرلىك-سىنىپتارىن وتكىزەدى

بۇگىن ن. ۆ. گوگول اتىنداعى وبلىستىق امبەباپ عىلىمي كىتاپحانادا الەمدىك دەڭگەيدەگى مۋزىكانتتار شەبەرلىك سىنىپ وتكىزەدى. شەبەرلىك-سىنىپ تاقىرىبى: «ٴوزىڭىزدىڭ شىنايى داۋىسىڭىزدى باراباندىق دىبىستار مەن اندەر ارقىلى اشىڭىز!»، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ رەسمي سايتىنا سىلتەمە جاساپ.

كەزدەسۋگە قاتىسۋشىلارعا ٴوز كرەاتيۆتىلىگىن بارابان، اندەر جانە شىعارمالار ارقىلى اشۋعا كومەكتەسەدى. سونىمەن قاتار ولاردى ٴوز داۋىسىن جانە ٴوز سوزدەرىن اندەر، دجازدىڭ ليريكالىق جانە ريفمالىق تەحنيكاسى، ريتم-ەند-بليۋز، سونداي-اق حالىقارالىق ۆوكالدىق ستيلدەر ارقىلى قولدانۋدى ۇيرەتەدى.

شەبەرلىك-سىنىپتى قاراعاندىلىقتار ٴۇشىن اميكاەلا گاستون، مەنا س. راموس، ەليزابەت سايەر جانە ميشەل گيورليتز وتكىزەدى.

اميكاەلا گاستون - washington area music accociation awards سىيلىعىنىڭ 8 مارتە يەگەرى، كومپوزيتور جانە ورىنداۋشى، ونىڭ داۋىسىن قازىرگى زامانعى ەڭ «تازا» داۋىس دەپ سيپاتتايدى. ونىڭ تومەن داۋىسى «سارقىرامانىڭ ماقپال دىبىسىن» (mtv) ەلەستەتەدى جانە ٴوزىنىڭ شىنايىلىلىعىمەن تىڭدارماندى باۋرايدى.

دوكتور مەنا س. راموس – كاسىبي دارىگەر، ۆوكالشى جانە بارابانشى. ول اقشتا ۇلتتىق دەڭگەيدە، سونداي-اق كۋبادا، برازيليا مەن فيليپپيندە حالىقارىلىق دەڭگەيدە ونەر كورسەتكەن. قازىرگى تاڭدا ول سان-فرانسيسكودا بي ترۋپپالارىمەن ونەر كورسەتەدى.

ەليزابەت ساير ٴ1994-شى جىلدان باستاپ افروكۋبيندىك مۋزىكا مەن باتادا (بارابان ٴتۇرى) ويناپ، ورىندايدى. وسى باعىتتاعى اقش جانە كۋباداعى كوپتەگەن شەبەرلەردەن ٴدارىس العان.

ميشەل گيورليتز «blazing redheads» جانە «wild mango» ەكى ايگىلى جانە ۇزاقمەرزىمدى جوبالاردىڭ نەگىزىن قالاۋشىلاردىڭ ٴبىرى بولعان. ٴ2007-شى جىلى ول downbeat magazine جۋرنالىندا «تۋىپ كەلە جاتقان جۇلدىز» دەپ اتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي