BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

«اباي» وپەراسى يتاليالىقتاردى تامساندىرماق

استانا، baq.kz. 8 قاراشادا «استانا وپەرا» ۇجىمى گاسترول اياسىندا يتالياندىق كورەرمەننىڭ نازارىنا ۇلتتىق جاۋحارلارىمىزدىڭ بىرەگەيى – ا.جۇبانوۆ پەن ل. ٴحاميديدىڭ «اباي» وپەراسىن كورەرمەن نازارىنا ۇسىنباق.

استانا قالاسى رەسمي سايتىنىڭ مالىمەتىنە قاراعاندا، سپەكتاكل قارساڭىندا قازاقستاندىق سوليستەردىڭ، ماەسترو الان بورىبايەۆ پەن گەنۋيالىق تەاتر ديرەكسياسىنىڭ قاتىسۋىمەن ٴباسپاسوز جيىنى وتەدى. گاسترولدىك باعدارلاما 10 قاراشادا ل. بەتحوۆەننىڭ № 9 سيمفونياسىمەن جالعاسپاق.

«اسقاق ونەردى باعالاۋشىلارمەن قايتا قاۋىشقانىمىزعا ٴارى يتالياداعى ەڭ ادەمى تەاترلاردىڭ ٴبىرى – گەنۋيالىق تەاتر ساحناسىندا ونەر كورسەتەتىنىمىزگە قۋانىشتىمىز. 2015 جىلدان باستاپ ٴبىزدىڭ ۇجىم وسىناۋ يتالياندىق ساحنادا وپەرا جانە بالەت سپەكتاكلدەرىن ۇسىنۋدا، سوندىقتان كورەرمەننىڭ كوزايىمىنا اينالىپ ۇلگەردىك، ولار بىزبەن جاڭا كەزدەسۋلەردى اسىعا كۇتەدى، ٴبىز ٴۇشىن بۇل قۋانىشتى جاعداي»، - دەدى قر ەڭبەك سىڭىرگەن قايراتكەرى، «استانا وپەرا» موبت دي⁠رەكتورى عالىم احمەدياروۆ.

وپەرا سوليستەرى، سيمفونيالىق وركەستر مۋزىكانتتارى، حور، بالەت جانە ميمانس ارتىستەرى، گريمدەۋشىلەر، جارىقتاندىرۋشىلار، رەكۆيزيتورلار مەن ساحنا ماشينيستەرى بۇگىن يتاليانىڭ اۋقىمى بويىنشا التىنشى ورىن الاتىن گەنۋيا قالاسىنا اتتاندى.

«كارلو فەليچە» تەاترى 1827 جىلى سالىنعان، ونىڭ ساحناسىندا الەمنىڭ ەڭ تانىمال ديريجەرلەرى مەن ايگىلى وركەسترلەرى، بەدەلدى بالەت ترۋپپالارى، اتاقتى ورىنداۋشىلار ونەر كورسەتكەن. «كارلو فەليچە» تەاترىندا بارلىعى باسقاشا، ٴبىز ساحنانىڭ پلانشەتىن جاۋىپ تۇراتىن تومەنگى پلاتفورمانى پايدالاناتىن بولامىز. وسىلايشا، دەكوراسيالاردىڭ ەڭ اۋقىمدى جانە اۋىر سالماقتى ەلەمەنتتەرىنىڭ ٴبىرى – اباي ٴۇيى «تريۋمدە»، ياعني ساحنا استىندا ورنالاساتىن بولادى. جالپى العاندا، سپەكتاكل «استانا وپەرا» تەاترىنداعى ٴتۇپنۇسقا كورسەتىلىمىندەگىدەي ۇسىنىلاتىن بولادى. كورەرمەندەر قويىلىمعا قاتىساتىن جانۋارلاردى دا تاماشالاي الادى» - دەپ ٴبولىستى «استانا وپەرا» كوركەمدىك-وندىرىستىك كەشەن جەتەكشىسى ۆيكتور كارارە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي