USD 334.31 EUR 355.17 RUB 5.31
استانا:

25 جىلدى بەينەلەگەن 50 ٴسات

ۇلتتىق مۇراجاي الاڭىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ تاريحي سۋرەتتەرىنەن تۇراتىن "ەلدى وزگەرتكەن تۇلعا. نۇرسۇلتان نازاربايەۆ sputnik وبەكتيۆىندە" فوتوكورمەسى – بۇل قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ ومىرىنەن الىنعان ساتتەر بەينەلەنگەن 30 مۇراعاتتىق سۋرەت. جۇمىستار 1990 جانە 2016 جىلدار ارالىعىنداعى كەزەڭدى قامتيدى، دەيدى baq.ٴkzتىلشىسى.

«ەل كۇنتىزبەسىندەگى ەلەۋلى قوس مەرەكە – تۇڭعىش پرەزيدەنت كۇنى مەن رەسپۋبليكا تاۋەلسىزدىگىنىڭ 25 جىلدىعىن تويلاۋ قارساڭىندا قازاقستان رەسپۋبليكاسى تاۋەلسىزدىگىنىڭ قالىپتاسۋىنداعى نەگىزگى كەزەڭدەرى ەستەرىڭىزگە ٴتۇسىرۋ ٴۇشىن ٴبىز sputnik مۇراعاتىنداعى سۋرەتتەرىمەن ٴبولىسىپ وتىرمىز. ٴبىز بارشاڭىزدى الداعى مەيرامدارمەن قۇتتىقتاي وتىرىپ، استانا تۇرعىندارى مەن قوناقتارىن فوتوكورمەمىزگە شاقىرۋعا قۋانىشتىمىز»، - دەدى sputnik قازاقستان اگەنتتىگىنىڭ باس رەداكتورى ولگا كوۆالەنكو.

sputnik وبەكتيۆىندە ەلدىڭ تۇڭعىش پرەزيدەنتى نۇرسۇلتان نازاربايەۆتى رەسمي جانە بەيرەسمي ورتادا، ارىپتەستەرى مەن وتباسى مۇشەلەرىنىڭ اراسىندا كورە الاسىزدار.

«تۇڭعىش پرەزيدەنت كۇنىنە وراي اشىلعان بۇگىنگى فوتوكورمە، كەلۋشىلەردىڭ قىزىعۋشىلىعىن ارتتىراتىنىنا سەنىمدىمىن. سەبەبى، بۇل سۋرەتتەر ٴبىزدىڭ ومىرىمىزبەن، ياعني تاۋەلسىز قازاقستاننىڭ تاريحي كەزەڭدەرىمەن تىعىز بايلانىستى. كورمەنىڭ ۇيىمداستىرۋشىسى sputnik اگەنتتىگى جانە راديوسىنا شەكسىز العىسىمدى بىلدىرەمىن» - دەدى فوتوكورمەنىڭ سالتاناتتى ٴراسىمى بارىسىندا قازاقستان ۇلتتىق مۇراجايى باسشىسىنىڭ ورىنباسارى ساتۋبالدين اباي.

كورمەگە كەلۋشىلەر قازاقستان پرەزيدەنتىنىڭ مەملەكەتتىك دۋمادا ٴسوز سويلەگەن ساتتەرىن، ميحايل گورباچەۆپەن، بوريس ەلسينمەن، ۆلاديمير پۋتينمەن، دميتريي مەدۆەدەۆپەن كەزدەسۋلەرىنىڭ بەيرەسمي كادرلارىن كورە الادى.

«قۇرمەتتى دوستار، ەڭ الدىمەن وسى كورمەنىڭ ۇيىمداستىرۋشىلارىنا ريزاشىلىعىمدى بىلدىرگىم كەلەدى، ويتكەنى ومىردە كەزدەيسوقتىق بولمايدى، تەك بەلگىلى ٴبىر ادامدار توبىنىڭ ۇلەسى ارقىلى عانا بولاتىن دۇنيە. ولار وتكەنگە باعۋ بەرۋ ٴۇشىن كۇرەستى، سول ٴۇشىن ريزامىن. ەلباسىمىزدىڭ سۋرەتتەرىن كورۋگە بارشاڭىزدى شاقىرامىن، قازىرگى ٴومىرىمىز قانداي ەڭبەكپەن كەلگەنىن سوندا تۇسىنەسىزدەر» - دەدى قازاقستان رەسپۋبليكاسى پارلامەنت ٴماجىلىسىنىڭ دەپۋتاتى كوسارەۆ ۆلاديسلاۆ فوتوكورمە اشىلۋ سالتاناتىندا.

1994 جىلعى قاراشادا وربيتالىق "مير" ستانسياسىندا عارىشتىق ساپارىن اياقتاعان تالعات مۇسابايەۆتى جەردە قارسى الۋدىڭ تاريحي سۋرەتى. سونىمەن قاتار حالىقارالىق ۇيىمدار سامميتتەرىندە نۇرسۇلتان نازاربايەۆتىڭ الەمدىك كوشباسشىلار ورتاسىندا تۇسكەن سۋرەتى.

كورمە بارلىق قىزىعۋشىلىق تانىتقاندار ٴۇشىن 2016 جىلعى جەلتوقساننىڭ ورتاسىنا دەيىن اشىق.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي