BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

جەزقازعاندا ەر ادامدى ٴوز مىلتىعىمەن ٴولتىرىپ، دەنەسىن ورتەپ جىبەردى

جەزقازعاندا ەر ادامدى اسقان قاتىگەزدىكپەن ٴولتىرىپ، دەنەسىن ورتەپ جىبەرگەن. مارقۇمنىڭ مۇردەسى اراعا جارتى جىل سالىپ تابىلدى، دەپ حابارلايدى baq.kz اقپارات اگەنتتىگى tengrinews.kz سايتىنا سىلتەمە جاساپ.

وقيعا وتكەن جىلى 1 مامىردا بولعان. ٴىس ماتەريالدارىنا سايكەس، ەر ادام مارقۇمدى ٴبىرىنشى اتىپ، كەيىن دەنەسىن ورتەپ جىبەرگەن. قىلمىسكەرلەردىڭ مۇنداي قادامعا بارۋىنا ماتەريالدىق قۇندىلىقتار مەن اۆتوموبيل سەبەپ بولعان. قىلمىستىق ٴىس قاراعاندى وبلىسى ارنايى اۋدان ارالىق سوتقا كەلىپ ٴتۇستى. ايىپتىلار ورىندىعىندا ٴۇش جەزقازعان تۇرعىنى وتىر. ٴىس ماتەريالدارىنا سايكەس، ايىپتالۋشىلاردىڭ ٴبىرى مارقۇمنىڭ كورشىسى بولعانى بەلگىلى بولدى.

مارقۇم قىمبات زاتتارى مەن قارۋ-جاراقتارىن ساتىپ، كوشىپ كەتپەك بولعان. بۇل تۋرالى ايىپتالۋشى ەكىنشى ٴبىر دوسىنا ايتىپ، كەيىن كورشىسىن ٴولتىرىپ، ونىڭ دۇنيە-مۇلكىن ۇرلاۋدى ۇسىنعان. دوسىنىڭ كەلىسىمىن العان سوڭ، ول كورشىسىن ٴولتىرۋ جوسپارىن قۇراستىرادى. ول دوسىن قارۋ ساتىپ العىسى كەلەدى دەگەن سىلتاۋمەن مارقۇممەن تانىستىرماق بولادى. كەزدەسۋ كەزىندە ەكى ەر ادام مارقۇمعا قارۋدى تەكسەرىپ بەرۋدى ۇسىنادى. بۇل ٴۇشىن ولار قالانىڭ سىرتىنا، ادام جوق جەرگە شىعۋدى ٴجون كورەدى. بەلگىلەنگەن جەرگە كەلگەن سوڭ ەر ادام دوسىنا كورشىسىن اتۋدى ۇسىنادى. دوسى ٴوز كەزەگىندە ەر ادامدى جەلكە تۇسىنان اتادى. ەر ادام بىردەن قازا تابادى.

قىلمىس تەك جارتى جىلدان كەيىن اشىلدى. پوليسيا قىزمەتكەرلەرى كۇدىكتىلەردى ۇستادى. ٴۇش كۇدىكتىنىڭ ەكەۋى ٴوز كىنالارىن بىردەن مويىندادى. باستى سوت وتىرىسىنىڭ قاي كۇنى وتەتىنى ازىرگە بەلگىلەنبەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي