BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جاڭاوزەن تۇرعىنى جەلىدە تەرروريزمدى ناسيحاتتاعانى ٴۇشىن 7 جىلعا سوتتالدى

فوتو: tumba.kz

جاڭاوزەن تۇرعىنى ەكسترەميستىك سيپاتتاعى ٴدىني قاقتىعىستى تۇدىرۋ ماقساتىندا اقپارات تاراتقانى ٴۇشىن 7 جىلعا باس بوستاندىعىنان ايىرىلدى، دەپ حابارلايدى baq.kz اقپارات اگەنتتىگى tumba.kz سايتىنا سىلتەمە جاساپ.

ماڭعىستاۋ وبلىسى ٴىىد ەكسترەميزمگە قارسى باسقارمانىڭ مالىمەتى بويىنشا، جاڭاوزەندىك تۇرعىن تەرروريزمدى ناسيحاتتايتىن، ٴدىني قاقتىعىستاردى تۋدىراتىن اقپاراتتاردى الەۋمەتتىك جەلىدە، اتاپ ايتقاندا facebook تاراتىپ كەلگەن.

ساراپتاما قورىتىندىسىنا سايكەس، ماتەريلادار سۇننەت اعىمىنىڭ سالافيت باعىتىنا كەلەدى. بۇگىندە سوتتالۋشىنىڭ كىناسى تولىعىمەن دالەلدەندى. جاڭاوزەن قالالىق سوتى ەر ازاماتتى جەتى جىلعا باس بوستاندىعىنان ايىردى.

«بۇدان باسقا، جاقىن كۇندەرى facebook الەۋمەتتىك جەلىسىندە ٴدىني قاقتىعىستاردى تۋدىرۋ ماقساتىندا اقپارات تاراتقانى ٴۇشىن جاڭاوزەن قالاسىنىڭ ەكى تۇرعىنى تۇتقىندالدى. اتالعان فاكت قر قك 174 بابى بويىنشا ٴبىرىڭعاي رەەستەرگە تىركەلدى، سوتقا دەيىنگى تەرگەۋ ناتيجەسى بويىنشا ٴىس سوتقا بەرىلەتىن بولادى»، - دەدى وبلىستىق ٴىىد-دان

ماڭعىستاۋ وبلىسى ٴىىد ەكسترەميزمگە قارسى باسقارماسىنان حابارلانعانداي، ەگەر كىمدە-كىم ٴدىني ەكسترەميزيمدى نەمەسە تەرروريزمدى ناسيحاتتاپ جۇرگەن زاڭسىز ارەكەتتەردىڭ كۋاسى بولسا ول تۋرالى «102» نومەرىنە حابارلاسىپ، اقپارات بەرۋلەرىن سۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي