BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

جاڭاارقادا 27 جاستاعى قىز ٴبىر ايەلدىڭ ومىرىنە قاستاندىق جاساعان

فوتو: Kazgazeta.kz

قاراعاندى، baq.kz ٴتىلشىسى. قاراعاندى وبلىسى جاڭاارقا اۋدانىنىڭ 27 جاستاعى تۇرعىنى وزىمەن بوتەلكەلەس بولعان 45 جاستاعى ايەلمەن سوزگە كەلىسپەي قالىپ، ونىڭ دەنەسىنىڭ بىرنەشە جەرىنە پىشاق سۇققان. زارداپ شەگۋشى اۋرۋxاناعا جەتكىزىلدى. پوليسەيلەر كۇدىكتىنى ۇستاپ، قىلمىستىق ٴىس قوزعادى.

5 قاراشا كۇنى بىرنەشە جەرىنەن پىشاق جاراقاتىن العان 1973 جىلى تۋىلعان ايەل ادام اۋرۋxاناعا جەتكىزىلگەن. قۇقىق قورعاۋ ورگاندارىنىڭ قىزمەتكەرلەرى قىلمىستىڭ ٴىزىن سۋىتپاي، ادام ولتىرمەك بولعان 1991 جىلى تۋىلعان قاراعاندى وبلىسىنىڭ تۇرعىنىن ۇستادى. كۇدىكتى جابىرلەنۋشىمەن بىرگە ىشىمدىك ٴىشىپ، وتىرىستىڭ سوڭى ۇرىسقا اينالعانىن، سودان كەيىن ايەلگە پىشاق جاراقاتىن سالعانىن مويىندادى.

«پوليسەيلەر «ادام ومىرىنە قاستاندىق جاسادى» دەگەن كۇدىكپەن جاڭاارقا اۋدانىنىڭ 27 جاستاعى تۇرعىنىن ۇستادى. ول 45 جاستاعى ايەلدىڭ دەنەسىنە پىشاق جاراقاتىن سالعانىن مويىندادى. اتالعان فاكتى قر قىلمىستىق كودەكسىنىڭ 24-بابىنىڭ 1-تارماعى بويىنشا سوتقا دەيىنگى تەرگەۋ امالدارىنىڭ ٴبىرىڭعاي تىزىلىمىنە تىركەلدى. ۇستالعان كۇدىكتى ۋاقىتشا قاماۋ يزولياتورىنا توعىتىلدى. تەرگەۋ امالدارى ٴجۇرىپ جاتىر»، - دەيدى قاراعاندى وبلىستىق پوليسيا دەپارتامەنتىنىڭ ٴباسپاسوز xاتشىسى باقىتجان قۇدياروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي