BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

جامبىل وبلىسىندا سوتتالۋشىدان پارا الماق بولعان قىزمەتكەر ۇستالدى

بۇگىن سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ بريفينگىندە جامبىل وبلىسى بويىنشا قىلمىستىق اتقارۋ جۇيەسى دەپارتامەنتى باستىعىنىڭ جەدەل جۇمىس جونىندەگى ورىنباسارىنىڭ سوتتالۋشىدان پارا الدى دەگەن كۇدىكپەن ۇستالعانىن ايتىلدى، دەپ حابارلايدى baq.kz ٴتىلشىسى.

«اعىمداعى جىلدىڭ 12 ماۋسىمدا سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ جامبىل وبلىسى بويىنشا دەپارتامەنتى سوتتالۋشىدان 2 ملن تەڭگە سوماسىندا پارا الدى دەگەن كۇدىكپەن جامبىل وبلىسى بويىنشا قىلمىستىق اتقارۋ جۇيەسى دەپارتامەنتىنىڭ جد 158-5 مەكەمە باستىعىنىڭ جەدەل جۇمىس جونىندەگى ورىنباسارى ۇستالدى. اقشا قاراجاتى وسى مەكەمەدە جازاسىن وتەپ جاتقان سوتتالۋشىنىڭ قاماۋدا ۇستاۋ جاعدايىن جەڭىلدەتۋ جانە جالپى قامقورلىق كورسەتۋ ٴۇشىن الىنعان. كىناسىن جاڭاعى تۇلعا تولىق مويىنداۋىنا بايلانىستى قاماۋعا الىنعان جوق. قازىرگى تاڭدا سوت تەرگەۋى جۇرگىزىلىپ جاتىر»، - دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ وكىلى نۇرلان جاقين.

ەسكە سالا كەتسەك، بريفينگتە سىبايلاس جەمقورلىققا قارسى ۇلتتىق بيۋرو قر سىرتقى ىستەر مينيسترلىگىنىڭ بۇرىنعى جاۋاپتى حاتشىسى قاراشەۆتىڭ ٴىرى كولەمدە پارا الۋ فاكتىلەرى بويىنشا قىلمىسىن اشكەرەلەگەنى ٴمالىم بولدى.

سونداي-اق، «كەدەنترانسسەرۆيس» ۆيسە-پرەزيدەنتى عالىم مۇقانوۆتىڭ ٴىسى بويىنشا تەرگەۋ ناتيجەسىن باياندادى.

قر دسم مەديسينالىق جانە فارماسەۆتيكالىق قىزمەتتى باقىلاۋ كوميتەتىنىڭ بۇرىنعى ٴتوراعاسى نازاربەك بەيسەنگە قاتىستى قىلمىستىق ٴىس تەرگەۋدە ەكەنى ايتىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي