BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

whatsapp-تا ٴوزىن مادەنيەتسىز ۇستاعان مادەنيەت ٴبولىمىنىڭ باسشىسى قىزمەتىنەن بوساتىلادى

فوتو: iPhones.ru

اقمولا وبلىسىنداعى مەكەمە باسشىسى قولاستىنداعىلاردى كەمسىتىپ، چاتتا ارىپتەستەرى تۋرالى جاعىمسىز پىكىر جازعان، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنە ساندىقتاۋ اۋدانىنىڭ مادەنيەت باسقارماسى قىزمەتكەرىنەن ٴوتىنىش كەلىپ ٴتۇستى. ول ٴوزىنىڭ باسشىسىنا شاعىم تۇسىرگەن.

ٴبولىم باسشىسى قولاستىنداعىلاردى كەمسىتىپ، ولارمەن وكتەم داۋىسپەن سويلەcكەن. ٴتىپتى ول قول كوتەرۋگە دەيىن بارعان جانە سەس كورسەتكەن. وعان دالەل رەتىندە سويلەسكەن اڭگىمەلەرىنىڭ جازباسى ۇسىنىلعان، سونداي-اق whatsapp-تاعى توپتا جازعان حابارلامالارى كورسەتىلگەن.

سونىمەن قاتار، باسشى ساندىقتاۋ اۋدانى اكىمىنىڭ ورىنباسارى تۋرالى جاعىمسىز پىكىر ايتىپ، «مانساپقۇمار» دەپ اتاعان. وسىلايشا ول قازاقستانداعى مەملەكەتتىك قىزمەتشىلەردىڭ ەتيكا كودەكسىنىڭ تالاپتارىن بۇزعان.

ەتيكا جونىندەگى كەڭەس ساندىقتاۋ اۋداندىق اكىمىنە باسشىنى قىزمەتىنەن بوساتۋ تۋرالى ۇسىنىس بەردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي