BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

شولۋ. جىل باسىنان بەرى ۇشاق اپاتتارىنان 200-دەن اسا ادام قازا تاپتى

فوتو: Sputnik Грузия

2017 جىلى 10 ۇشاق اپاتقا ۇشىراپ، سالدارىنان 44 ادام قازا تاپتى. aviation safety network پورتالىنداعى مالىمەتكە سۇيەنسەك، بۇل — 1946 جىلدان بەرگى رەكوردتىق كورسەتكىش. سول سەبەپتى، وتكەن جىل اۆياسيا تاريحىنداعى ەڭ ٴقاۋىپسىز مەرزىم بولىپ تانىلدى. ال بيىل جىل باسىنان بەرى 5 ٴىرى اۋە اپاتى بولىپ، كەمىندە 200 ادام ٴولدى. baq.kz اقپارات اگەنتتىگى وسى ٴىرى اۋە اپاتتارىنا شولۋ جاسادى.

2016 جىلى اۋە اپاتى سالدارىنان — 303 ادام، 2015 جىلى — 537 ادام، 2014 جىلى — 961 ادام قازا تاپتى. 2017 جىلى اپاتقا ۇشىراعان ۇشاقتاردىڭ بەسەۋى جولاۋشىلار تاسىمالداۋعا، قالعان بەسەۋى جۇك تاسىمالداۋعا ارنالعان. ال كوممەرسيالىق اۆياسيا رەيستەرىنىڭ سانى 36 ميلليوننان استى.

مۇنىمەن قاتار، ەسەپكە اسكەري ۇشاقتار مەن كوممەرسيالىق ەمەس رەيستەر قوسىلعان جاعدايدا، اۋە اپاتىنىڭ سانى جيىرما تورتكە، ال اجال قۇشقاندار سانى 230 ادامعا جەتەتىن ەدى. ال بيىل جىل باسىنان بەرى 5 ٴىرى اۋە اپاتى بولىپ، كەمىندە 200 ادام قازا تاپتى. سونداي-اق، تۇركيادا جولاقتان شىعىپ كەتكەن ۇشاق تەڭىزگە قۇلاپ كەتە جازداسا، تورونتو قالاسىنداعى اۋەجايدا ەكى ۇشاق سوقتىعىستى. baq.kz اقپارات اگەنتتىگى جىل باسىنان بەرى بولعان ٴىرى اۋە اپاتتارىنا شولۋ جاسادى.

نەپالداعى ۇشاق اپاتىندا 49 ادام قازا تاپتى

1. بۇگىن، 13 ناۋرىز كۇنى، نەپالداعى ۇشاق اپاتىنان 49 ادام قازا تاپتى. ۇشاقتا بارلىعى 71 جولاۋشى بولعان. 40 ادامنىڭ ٴمايىتى وقيعا بولعان جەردەن تابىلىپ، 9 جولاۋشى ەمحانادا كوز جۇمدى. ال قالعان 22 ادام ەم الىپ جاتىر. اپات جەرگىلىكتى ۋاقىت بويىنشا تۇنگى 2:15-تە بولعان.

جولاۋشىلاردىڭ باسىم بولىگى — نەپال جانە بانگلادەش تۇرعىندارى، ٴبىر ادام — قىتاي ازاماتى، تاعى ٴبىر ازامات — مالديۆ ارالدارىنان. بۇل تۋرالى تريبحۋۆان اۋەجايىنىڭ باس ديرەكتورى رادج كۋمار چحەتري مالىمدەدى. ال ەكيپاج مۇشەلەرىنىڭ ٴبارى دە — 4 ازامات بانگلادەش تۇرعىندارى ەكەنى انىقتالدى.

الدىن الا بولجام بويىنشا، جەرگە قۇلاعان ۇشاق جانىپ كەتكەن

2. 11 ناۋرىز كۇنى يراندا جەكە تۇرىك ۇشاعىنىڭ اپاتقا ۇشىراۋى سالدارىنان 11 ادام قازا تاپتى. يران ازاماتتىق اۆياسيا ۇيىمى وكىلدەرىنىڭ مالىمەتىنشە، ۇشاق اپاتى سالدارىنان 8 جولاۋشى، 3 ەكيپاج مۇشەسى قازا تاپقان.

يرانداعى «tasnim» اگەنتتىگىنىڭ حابارلاۋىنشا، شاردجا (ٴباا) قالاسىنان ستامبۇلعا ۇشىپ بارا جاتقان «bombardier challenger 600» جەكە لاينەرى جەرگىلىكتى ۋاقىت بويىنشا ساعات 18:50-دە (استانا ۋاقىتىمەن 21:20) رادار ەكرانىنان جوعالىپ كەتكەن. ول يراننىڭ ورتالىق بولىگىندەگى شاحرە-كورد قالاسىنىڭ ماڭىنداعى تاۋلى ايماققا قۇلاعان.

الدىن الا بولجام بويىنشا، جەرگە قۇلاعان ۇشاق جانىپ كەتكەن. اگەنتتىكتە تاۋلى ايماقتان قارا ٴتۇتىن شىعىپ جاتقانى تۇسىرىلگەن سۋرەت بار. اپات بولعان جەردە ىزدەستىرۋ شارالارى ٴالى دە ٴجۇرىپ جاتىر.

ۇشاقتا وتىرعانداردىڭ ٴبارى — رەسەيدىڭ قارۋلى كۇشتەر قىزمەتكەرلەرى

3. سيريادا اپاتقا ۇشىراعان ان-26 ۇشاعىندا 39 ادام بولعان. انىقتالعان مالىمەت بويىنشا، حمەيميم اەرودرومىنا قونۋ كەزىندە اپاتقا ۇشىراعان ان-26 ۇشاعىندا 33 جولاۋشى جانە 6 ەكيپاج مۇشەسى بولعان. ولاردىڭ ٴبارى — رەسەيدىڭ قارۋلى كۇشتەر قىزمەتكەرلەرى.

رف قورعانىس مينيسترلىگىنىڭ الدىن الا مالىمەتى بويىنشا، ولاردىڭ بارلىعى قايتىس بولعان. ۇشاق حمەيميم اەرودرومىنا قونۋ كەزىندە اپاتقا ۇشىراعان. ول ۇشىپ-قونۋ ايلاعىنا 500 مەتر قالعاندا جەرگە قۇلاعان. ۆەدومستۆوداعىلار ۇشاققا وق اتىلماعانىن مالىمدەدى.

قاتتى تۇمان بولعاندىقتان، قۇتقارۋشىلار ٴتيىستى شارالاردى بىردەن جۇزەگە اسىرا المادى

4. يراندا aseman airlines اۋەكومپانياسىنىڭ atr 72-500 ۇشاعى قۇلادى. اتالعان ۇشاقتىڭ ىشىندە 66 ادام وتىرعان. بۇل تۋرالى 18 اقپان كۇنى tasnim باسىلىمى حابارلادى.

لاينەر تەگەراننان يراننىڭ وڭتۇستىك-باتىسىندا ورنالاسقان ياسۋدج قالاسىنا ۇشىپ بارا جاتقان بولاتىن. ۇشاق قۇلاعان جەردە قاتتى تۇمان بولىپ تۇرعاندىقتان، تىكۇشاقتار بىردەن ٴتيىستى شارالاردى تولىق جۇزەگە اسىرا المادى.

ۇشاقتا وتىرعان 71 ادامنىڭ بارلىعى قازا تاپقان

5. مəسكەۋ ماڭىندا جولاۋشىلار ۇشاعى قۇلادى. saratov airlines əۋە كومپانياسىنا قاراستى ۇشاق مəسكەۋدەن ورسك قالاسىنا ۇشىپ شىققان. əۋەگە كوتەرىلگەن سوڭ جەتى مينۋتتان كەيىن ۇشاق راداردان جوعالىپ كەتكەن.

بۇقارالىق اقپارات قۇرالدارى جولاۋشىلار ۇشاعىنىڭ «پوچتا روسسيي» كومپانياسىنا تيەسىلى تىكۇشاقپەن سوقتىعىسقانىن جانە اپات سالدارىنان الدىن الا مالىمەتتەر بويىنشا ۇشاقتا بولعان 71 ادامنىڭ بارلىعى قازا تاپقانىن حابارلادى. الايدا «پوچتا روسسيي» كومپانياسىنىڭ ٴباسپاسوز قىزمەتى بۇل اقپاراتتى تەرىسكە شىعاردى. مۇنىمەن قاتار، اپات بولعان جەردە كوپ قاعازدىڭ شاشىلىپ جاتۋىن بورتتا 20 كيلوگرامم پوشتا حاتىنىڭ بولۋىمەن ٴتۇسىندىردى.

ۇشاق اپاتىنان زيان شەككەندەر جوق

6. تۇركيادا جولاقتان شىعىپ كەتكەن ۇشاق تەڭىزگە قۇلاپ كەتە جازدادى. ىشىندە 168 جولاۋشى وتىرعان pegasus airlines لوۋكوستەرىنىڭ «بوينگ 737-800» ۇشاعى انكارادان ۇشىپ شىعىپ، قارا تەڭىز جاعالاۋىنداعى ترابزون قالاسىنا بارىپ قوندى. جەرگىلىكتى بيلىكتىڭ حابارلاۋىنشا، وقىس وقيعا كەزىندە جاپا شەككەندەر جوق. لاينەر جولاۋشىلارى ەۆاكۋاسيالاندى.

اناتوليي مەملەكەتتىك اقپارات اگەنتتىگىنىڭ حابارلاۋىنشا، ەكيپاج مۇشەلەرى كوپكە دەيىن جولاۋشىلاردى تىنىشتاندىرا الماعان. سۋرەتتەردەن ۇشاق تۇمسىعىنىڭ تەڭىزگە جاقىن جەردە جاتقانىن كورۋگە بولادى. وقىس وقيعادان كەيىن اۋەجاي جابىلىپ، بىرنەشە ساعات بويى اپات سەبەبى تەكسەرىلدى.

westjet لاينەرىنىڭ بورتىندا 168 ادام بولعان

7. كانادانىڭ تورونتو قالاسىنداعى پيرسون اۋەجايىندا ەكى ۇشاق سوقتىعىسىپ قالدى. بۇل تۋرالى اۋەجايدىڭ twitter جەلىسىندەگى پاراقشاسىندا جاريالاندى. بەلگىلى بولعانداي، وقىس وقيعادان ەشكىم زارداپ شەكپەگەن. westjet اۋەكومپانياسى مەكسيكالىق كانكۋننان كەلگەن boeing 737-800 ۇشاعى تۇراقتان قوزعالا بەرگەن sunwing اۋەكومپانياسىنىڭ ۇشاعىنا سوقتىعىسقان. westjet لاينەرىنىڭ بورتىندا 168 ادام بولعان. ولاردىڭ بارلىعى ەۆاكۋاسيالاندى. ال sunwing ۇشاعىندا جولاۋشىلار بولماعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي