BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ٴۇش كۇندە 5 مىڭ جول ەرەجەسىن بۇزۋ وقيعاسى تىركەلگەن

استانا، baq.kz. ىشكى ىستەر مينيسترلىگى ەل اۋماعىندا «اۆتوبۋس» جەدەل الدىن الۋ شاراسىن وتكىزىپ جاتىر.

بۇل ٴىس-شارا جولاۋشىلار كولىگىنىڭ قاتىسۋىمەن بولاتىن جول-كولىك وقيعالارىن ازايتۋعا، ونىڭ زاردابىن تومەندەتۋگە، سونداي-اق جولاۋشىلاردى تاسىمالداۋ ەرەجەسى ساقتالۋىن قاداعالاۋدى كۇشەيتۋگە باعىتتالعان.

وپەراسيانىڭ ٴۇش كۇنىندە جول قوزعالىسىن باقىلاۋ كەزىندە پوليسيا قىزمەتكەرلەرى قوعامدىق كولىك جۇرگىزۋشىلەرى تاراپىنان ورىن العان 5 مىڭنان استام (5 255) جول ەرەجەسىن بۇزۋشىلىقتى تىركەۋگە الدى.

ونىڭ ىشىندە كولىكتى ماس كۇيىندە باسقارعان 8 فاكتى، قاراما-قارسى جولاققا شىعۋدىڭ 3 فاكتىسى، جۇمىس جانە دەمالىس كەستەسىن بۇزۋ – 59، جولاۋشى تاسىمالداۋشىنىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىك ساقتاندىرۋ قاعازىنىڭ بولماۋى – 242، جۇرگىزۋشىنىڭ تاسىمالداۋ كەلىسىمشارتىنىڭ جوقتىعى – جۇك جانە قول جۇگىن تاسىمالداۋ ەرەجەسىن بۇزۋدىڭ – 109 فاكتىسى تىركەلدى.

98 زاڭسىز قايتا جابدىقتالعان جولاۋشىلار كولىگى انىقتالدى، سونداي-اق 41 اۆتوكولىك رەيس الدى تەكسەرىستەن جانە 259-ى تەحنيكالىق تەكسەرىستەن وتپەگەنى انىقتالدى.

جولاۋشىلار كولىگىنىڭ جۇرگىزۋشىلەرى 409 رەت جىلدامدىقتى اسىرعانى، 994 رەت كولىك باسقارۋ كەزىندە ۇيالى تەلەفون پايدالانعانى جانە 959 رەت مانەۆرلەۋ قاعيداسىن بۇزعانى انىقتالدى.

جول ەرەجەسىن بۇزعانى ٴۇشىن قۇقىق بۇزۋشىلار اكىمشىلىك جاۋاپكەرشىلىككە تارىتىلىپ، سونىمەن قاتار اۆتوبۋس پاركتتەرىنىڭ 41 لاۋازىمدى تۇلعاسى جاۋاپقا تارىتىلدى.

جەدەل پروفيلاكتيكالىق شارا جالعاسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي