BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

ۇرلانعان قاقپاقتار الماتى ساقشىلارىن الاڭداتىپ وتىر

فوتو: lenta.kharkiv.ua

الماتى قالاسىنىڭ ىشكى ىستەر دەپارتامەنتى كاناليزاسيا ليۋكتەرىنىڭ قاقپاقتارىن ۇرلاۋ فاكتىلەرى تۋرالى اقپارات تاراتتى، دەپ حابارلايدى baq.kz ايماقتاعى ٴتىلشىسى.

جىل باسىنان بەرى الماتى قالاسىندا وسىنداي 35 قىلمىس تىركەلىپ، ونىڭ ٴ18-ى ىلە-شالا، دەرەۋ اشىلعان.

«اڭگىمە كوممۋنالدى مۇلىكتى ۇرلاۋ تۋرالى بولىپ وتىر. بۇل قازاقستان رەسپۋبليكاسىنىڭ قىلمىستىق كودەكسىنىڭ 188-بابىنىڭ نورمالارىمەن رەتتەلەتىن، قىلمىستىق جازاعا تارتىلاتىن ٴىس. وسىعان دەيىن قاقپاق ۇرلاۋشىلاردىڭ قۇرىقتالىپ، ٴارتۇرلى مەرزىمگە جازاعا كەسىلگەنى از كەزدەسكەن جوق. قاقپاقتاردى ۇرلاۋ كەسىرىنەن ٴتۇرلى قاۋىپ-قاتەر تۋىندايدى. ماسەلەن، جول-كولىك وقيعالارى، قايعىلى جاعدايلار جانە باسقا دا توتەنشە جاعدايلار. زاڭنامادا ۇرلانعان زاتتاردى ساتىپ الۋشى تۇلعالارعا دا قىلمىستىق جاۋاپكەرشىلىك ناقتى كورسەتىلگەن. بۇل جەردە مەتالل قابىلداۋ ورىندارىن ايتىپ وتىرمىز. مەتالل قابىلداۋشى زاڭدى قۇرمەتتەيتىن بولسا، وتكىزۋشىنىڭ كاناليزاسيا ليۋكتەرىنىڭ قاقپاقتارىن قايدان العانى جايىندا ويلانۋى كەرەك. وكىنىشكە قاراي، كوبىنە ويلانىپ جاتپايدى، سوندىقتان قىلمىستىق جاۋاپكەرشىلىككە تارتىلادى»، – دەيدى الماتى قالاسىنىڭ ٴىىد-نىڭ رەسمي وكىلى سالتانات ازىربەك.

مۇنىمەن قاتار، ٴتارتىپ ساقشىلارى قالا تۇرعىندارىنا ازاماتتىق ۇستانىم ٴبىلدىرىپ، قاقپاق ۇرلاۋ فاكتىلەرىنە قاتىستى كەز كەلگەن اقپاراتتى حابارلاۋدى ٴوتىنىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي