BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ٴۇندىستاننان اۋرۋ جۇقتىرعان الماتىلىققا بولا دارىگەرلەر 114 ادامدى ىزدەپ ٴجۇرىپ تەكسەردى

ٴۇندىستاننان ۇشىپ كەلگەن قازاقستاندىق ايەل مەن ونىڭ تۋىسقاندارى بىردەن ينفەكسيالىق ستاسيونارعا جاتقىزىلدى، دەپ حابارلايدى baq.kz اقپارات اگەنتتىگى informburo.kz باسىلىمىنا سىلتەمە جاساپ.

ايەل ون كۇن ٴۇندىستاندا دەمالىپ، 15 قاراشا كۇنى ەلگە ورالعان. شەتەلدە ٴجۇرىپ اۋىرسا دا، اۋرۋحاناداعى دارى-دارمەكتەرمەن ەمدەلگەن. وسىنىڭ ارقاسىندا اۋرۋدىڭ سىرتقى بەلگىلەرىن عانا ەمدەپ جازادى. الايدا ەلگە ورالعان قازاقستاندىقتىڭ دەنە قىزۋى قاتتى كوتەرىلىپ، جەدەل جاردەم شاقىرۋعا ٴماجبۇر بولادى. دارىگەرلەر وعان «تىرىسقاق» (حولەرا) دياگنوزىن قويعان ەكەن.

وسىدان كەيىن اۋرۋدى الماتىلىققا جۇقتىرعان جانە ول جۇقتىرۋى مۇمكىن دەگەن ادامدار ارنايى تەكسەرىلگەن.

«رەيستە ايەلمەن بىرگە 114 ادام ۇشىپ كەلگەن. بورتتا بولعان جولاۋشىلار مەن ەكيپاج مۇشەلەرى تولىقتاي تەكسەرىلدى. ٴقازىر ايەلگە ەم قاجەت ەمەس. ونىمەن جاقىن قارىم-قاتىناستا بولعان ادامدار ٴبىرىنشى كۇنى-اق تەكسەرىلگەن. ولاردى دارىگەرلەر بىرنەشە كۇن بويى باقىلادى. ارى قاراي تەكسەرۋدىڭ ٴمانى دە جوق. بيىل ٴۇش قازاقستاندىق ٴۇندىستاننان وسى اۋرۋدى جۇقتىرىپ كەلىپ وتىر»، - دەيدى قوعامدىق دەنساۋلىق ساقتاۋ سالاسىندا ۇيلەستىرۋ باسقارماسىنىڭ باسشىسى روزا قوجاپوۆا.

مۇنىمەن قاتار، ول ۇشاقتىڭ وسى وقيعادان كەيىن تاعى دا ٴبىر رەيس جاساپ ۇلگەرگەنىن ايتىپ ٴوتتى.

«ۇشاق ەلگە ورالعان سوڭ، قايتا ٴۇندىستانعا ۇشىپ كەتكەن. كەيىن ەلگە قايتا ورالعان. تىرىسقاق اۋرۋى ازىق-تۇلىك، سۋ جانە قول ارقىلى جۇعادى. ياعني اۋا تامشىلارى ارقىلى تارالمايدى. سول سەبەپتى، ۇشاقتا وتىرعان ادامدار بۇل اۋرۋدى جۇقتىرمادى دەپ سەنىمدى تۇردە ايتا الامىز»، - دەيدى روزا قوجاپوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي