BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تەمىرتاۋدا اياعى اۋىر ايەل سۋعا باتىپ كەتە جازدادى

فوتو: zerkalo-gazeta.com

11 شىلدە كۇنى تەمىرتاۋداعى سامارقاند سۋ قويماسىندا اياعى اۋىر ايەل سۋعا باتىپ كەتە جازداعان. ونى قۇتقارشىلار قۇتقارىپ قالدى، دەپ xابارلايدى baq.kz ايماقتاعى ٴتىلشىسى.

قاراعاندى وبلىسى توتەنشە جاعدايلار قىزمەتىنىڭ جەدەل قۇتقارۋ قىزمەتىنىڭ قۇتقارۋشىلارى سامارقاند سۋ قويماسىنان ايەل ادامدى امان الىپ قالعان. ايەل ادام جاعادان الىسقا ۇزاپ ٴجۇزىپ كەتىپ، قايىرا ورالا الماعان.

«11 شىلدە كۇنى 21 ساعات 10 مينۋتتا كەزەكشى بولىمگە سۋ قويماسىندا ادامنىڭ باتىپ بارا جاتقاندىعى جايلى xابارلاما كەلىپ ٴتۇستى. قۇتقارۋشىلار دەرەۋ وقيعا ورنىنا جەتىپ، ەكىقابات ايەلدى قۇتقاردى. ول جاعادان الىسقا ۇزاپ كەتكەن. سودان كەيىن ٴوز بەتىمەن جاعاعا جەتە الماعان»، - دەيدى وبلىستىق توتەنشە جاعدايلار دەپارتامەنتىنىڭ رەسمي وكىلى جاننا داۋرەنبەكوۆا.

ايەلدى جاعالاۋعا شىعارعان قۇتقارۋشىلار ونى جەدەل مەديسينالىق قىزمەت كورسەتۋ قىزمەتكەرلەرىنە تابىستادى. قۇتقارۋشىلار تۇرعىندارعا قاراپايىم قاۋىپسىزدىك شارالارىن ساقتاۋلارىن سۇرايدى.

«سۋعا تۇسۋگە ارنايى جابدىقتالعان جەرلەرگە بارىڭىزدار. ارنايى بەلگىدەن ارى قاراي جۇزبەڭىزدەر. دەمالىس كەزىندە بالالاردى قاراۋسىز قالدىرماڭىزدار. ماس كۇيىندە سۋعا تۇسۋگە جانە تۇندە شومىلۋعا تىيىم سالىنادى»، - دەيدى ج. داۋرەنبەكوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي