BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تەمىرتاۋداعى اتىستان زارداپ شەككەن 5 تۇرعىننىڭ بىرەۋى جانساقتاۋ بولىمىندە جاتىر

فوتو: ашық дереккөзден

قاراعاندىنىڭ تەمىرتاۋ قالاسىندا اتىس سالدارىنان جاپا شەككەن 5 ادامنىڭ بىرەۋى قالالىق اۋرۋحانانىڭ جانساقتاۋ بولىمىندە جاتىر. تاعى ٴبىر زارداپ شەگۋشى پالاتاعا اۋىستىرىلعان، قالعان ٴۇش ادام اۋرۋحانادان ۇيلەرىنە جىبەرىلگەن، دەپ حابارلايدى baq.kz ايماقتاعى ٴتىلشىسى.

ەستەرىڭىزگە سالا كەتەيىك، تەمىرتاۋدا 10 مامىر كۇنى اتىس بولىپ، 5 ادامعا وق ٴتيىپ، اۋرۋحاناعا جەتكىزىلگەن بولاتىن. اتالعان وقيعادان كەيىن پوليسيا قىزمەتكەرلەرى قاساقانا ادام ولتىرمەك بولدى دەگەن كۇدىكپەن تەمىرتاۋ قالاسىنىڭ 20 جاسار تۇرعىنىن ۇستادى.

«10 مامىردا تەمىرتاۋ قالاسىنداعى ۇيلەردىڭ بىرىنەن 18 بەن 25 جاس ارالىعىنداعى 5 ازامات اتىس جاراقاتىمەن ەمحاناعا جەتكىزىلگەن. قازىرگى ۋاقىتتا ەمدەلۋشىلەردىڭ بىرەۋى تەمىرتاۋ قالاسىنىڭ ورتالىق اۋرۋحاناسىنىڭ جانساقتاۋ بولىمىندە جاتىر. ونىڭ دەنساۋلىعى ورتاشا اۋىر دەپ باعالانىپ وتىر. تاعى ٴبىر ەمدەلۋشى پالاتاعا اۋىستىرىلدى، ونىڭ دەنساۋلىق جاعدايى قازىرگى ۋاقىتتا قالىپتى»، - دەيدى قاراعاندى وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ايجان يسا.

اتىس سالدارىنان دەنساۋلىعىنا زاقىم كەلىپ، اۋرۋحاناعا جەتكىزىلگەن بەس ادامنىڭ ۇشەۋى قازىرگى ۋاقىتتا ۇيلەرىنە جىبەرىلگەن. ايجان يسانىڭ ايتۋىنشا، ولار امبۋلاتوريالىق ەم قابىلداپ ٴجۇر.

قاراعاندى وبلىستىق ىشكى ىستەر دەپارتامەنتىنىڭ حابارلاۋىنشا، بەس بىردەي ادامعا وق اتىپ، جاراقاتتاعان 20 جاستاعى جىگىتكە قاتىستى قىلمىستىق ٴىس قوزعالىپ، ول قاماۋعا الىنعان.

«اتالعان فاكتى بويىنشا قر قك 24-99 بابىنىڭ 2 ٴبولىمى بويىنشا سوتقا دەيىنگى تەرگەۋ باستالدى. تەمىرتاۋ قالاسىنىڭ 20 جاسار تۇرعىنى قۇرىقتالىپ، ول جابىرلەنۋشىلەرگە اراداعى كەلىسپەۋشىلىك سالدارىنان وق اتقانىن مويىندادى»، - دەيدى قاراعاندى وبلىسى ٴىىد-نىڭ ٴباسپاسوز حاتشىسى باقىتجان قۇدياروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي