USD 335.71 EUR 357.36 RUB 5.23
استانا:

تەمىرتاۋدا بۇزاقىلار 20 زيراتتى قيراتىپ تاستاعان

فوتو: Nur.kz

تەمىرتاۋدا بۇزاقىلار 20 زيراتتى قيراتىپ تاستاعان. زيراتتاردى توناعاندار ۇلكەن توپ بولىپ جۇمىس ىستەگەن. ولار قورىمداعى كولەمى مەن ٴپىشىنى بىر-بىرىنە ۇقساس قورشاۋلاردى الىپ كەتكەن دەپ حابارلايدى baq.ٴkz-تىڭ قاراعاندىداعى ٴتىلشىسى.

جەرلەۋ قىزمەتى اگەنتتىگى باسشىسىنىڭ ورىنباسارى الەكساندر يشتۆانيكتىڭ ايتۋىنشا زيراتتى كۇزەتەتىن كۇزەتشى بولماعاندىقتان ول ٴوزى قورىمعا كەلىپ، تەكسەرىپ تۇرادى ەكەن. وسىنداي تەكسەرىستەردىڭ بىرىندە ول زيراتتاردىڭ قورشاۋلارىن بۇزىپ جاتقان ۇرىلاردى كورىپ قالعان.

«ٴبىز جۇرگىزۋشى ەكەۋىمىز ٴبىر ادامدى عانا ۇستاپ ۇلگەردىك. توپتىڭ قالعان مۇشەلەرى قاشىپ كەتتى. توناۋشىلار ٴپىشىنى مەن كولەمى بىردەي قورشاۋلاردى العان. ولار شامامەن 20 بەيىتتى قيراتقان. ٴقازىر قورشاۋلار قويمادا تۇر. كەي ادامدار تۋعان-تۋىستارىنىڭ زيراتى تونالعانىن ٴالى بىلمەيدى»، - دەدى ا.يشتۆانيك.

بيىلعى جىلى تەمىرتاۋ قالاسىنىڭ پوليسيا بولىمىنە قورىمداردى توناۋ فاكتىسى بويىنشا 13 ارىز تۇسكەن. سوتقا تەك ەكەۋى عانا جەتكەن. قۇقىق قورعاۋ قىزمەتكەرلەرىنىڭ ايتۋىنشا، ەگەر بۇزاقىلار قىلمىس ۇستىندە ۇستالماسا بۇنداي قىلمىستاردى اشۋ قيىنعا سوعادى.

«وكىنىشكە وراي، ادامدار بىزگە كەش حابارلاسادى. ولار تۋىستارىنىڭ بەيىتىنە ٴجيى كەلمەگەندىكتەن، قورىمنىڭ تونالعانىن بىلمەي دە جاتادى. كەيدە ٴتىپتى جارتى جىلدان كەيىن پوليسياعا ارىز تۇسىرەتىندەر دە بار. ۋاقىت ٴوتىپ كەتكەندىكتەن قىلمىستى دالەلدەيتىن ايعاقتاردى تاۋىپ، ۇرىلاردى ۇستاۋ قيىنعا سوعادى»، - دەدى تەمىرتاۋ قالاسىنىڭ ەسكى قالالىق پوليسيا ٴبولىمىنىڭ باسشىسى باۋىرجان امانگەلدين.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي