USD 334.89 EUR 361.61 RUB 5.28
استانا:

تاجىكستان ازاماتتارىن توناعان جامبىلدىق پوليسەيلەر ٴىستى بولىپ جاتىر

جامبىل وبلىسىندا تاجىكستان ازاماتتارىن توناپ اتى شىققان ينسپەكتورلاردىڭ باسشىلارى بىرىنەن سوڭ ٴبىرى قىزمەتتەن قۋىلىپ جاتىر. جول-پاترۋلدىك پوليسيا باتالونىنىڭ كومانديرى مەن ونىڭ ورىنباسارى وسى اتىشۋلى وقيعادان سوڭ جىلى ورىندارىمەن قوش ايتىسقان. ال وسى ٴىس بويىنشا ۇستالعان ەكى ٴتارتىپ ساقشىسى ٴقازىر قاماۋدا.

ولارعا قاتىستى قىزمەتىن اسىرا پايدالانۋ دەرەگى بويىنشا ٴىس قوزعالىپ، سوتقا دەيىنگى تەرگەۋ جۇرگىزىلۋدە. سونداي-اق، توناۋ كەزىندە پوليسەيلەرمەن بىرگە بولعان تاعى ٴبىر ازامات ۇرلىق بابى بويىنشا ايىپتالىپ، ول دا اباقتىعا جابىلعان. ال وزگە ٴۇش سىبايلاستى ٴالى كۇنگە دەيىن ۇستاۋ مۇمكىن بولماي تۇر. قاراشانىڭ ٴبىرى كۇنى رەسەيدەن ٴۇش جۇك كولىگىمەن كەلە جاتقان تاجىكستاندىقتاردى ەكى ينسپەكتور مەن ٴتورت جىگىت قورقىتىپ، 250 مىڭ ٴرۋبلىن تارتىپ العان. جابىرلەنۋشىلەر ارىزىنان سوڭ كۇدىكتى رەتىندە ەكى پاترۋلدىك پوليسيا قىزمەتكەرى مەن ٴبىر جەرگىلىكتى تۇرعىن ۇستالعان بولاتىن. تاجىكتەر بۇل وقيعاعا تاعى ەكى جول ساقشىسىنىڭ قاتىسى بارىن ايتىپ، ولاردىڭ 5 مىڭ رۋبل بوسپالاعانىن مالىمدەدى. الايدا تەكسەرۋ كەزىندە بۇل دەرەك دالەلىن تاپپاپتى.

«اتالمىش فاكت وزىندىك قاۋىپسىزدىك باسقارماسىمەن تەكسەرىلگەن. ناتيجەسىندە پوليسيا باتالونىنىڭ ەكى قىزمەتكەرى تەرىس ارەكەتتەرى ٴۇشىن ىشكى ىستەر ورگاندارىنان شىعارىلدى. سونىمەن قاتار، كوماندير ورىنباسارى مەن تاراز قالالىق ىشكى ىستەر ٴبولىمى پاترۋلدىك باتالون كومانديرى اتقارىپ وتىرعان لاۋازىمىنان بوساتىلعان»، - دەيدى جامبىل وبلىستىق ٴىىد ٴباسپاسوز حاتشىسى گۇلسارا مۇحتارقۇلوۆا.

كتك

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي