BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

تارازدا ٴجاسوسپىرىمدى ولتىرگەندەر ۇستالدى 

20 قىركۇيەك كۇنى تارازدا 16 جاستاعى ٴجاسوسپىرىم «قازفوسفات» عيماراتىنىڭ جانىندا سوققىعا جىعىلىپ، جەدەل جاردەم كەلگەنگە دەيىن وقيعا ورنىندا كوز جۇمعان بولاتىن، دەپ حابارلايدى baq.kz ٴتىلشىسى.

اتالعان فاكتى بويىنشا پوليسيا قىزمەتكەرلەرى سوتقا دەيىنگى تەرگەۋ امالدارىن جۇرگىزىپ، سوت-مەديسينالىق ساراپتامالار تاعايىندالعان بولاتىن.

«جامبىل وبلىسى ٴىىد پوليسيا قىزمەتكەرلەرى قالا ورتالىعىندا قازا بولعان ٴجاسوسپىرىم ولىمىنە قاتىسى بار دەگەن كۇدىكپەن كامەلەتكە تولماعانداردى ۇستادى. اعىمداعى جىلدىڭ 25 قىركۇيەگى كۇنى پوليسيا قىزمەتكەرلەرىنىڭ جەدەل-ىزدەستىرۋ شارالارىنىڭ ناتيجەسىندە 16-17 جاستاعى كامەلەتكە تولماعان 5 ٴجاسوسپىرىم ۇستالدى.»، - دەپ حابارلادى جامبىل وبلىسى ٴىىد ٴباسپاسوز قىزمەتىندە.

ٴباسپاسوز قىزمەتى بەرگەن اقپاراتقا سايكەس، كورسەتىلگەن ازاماتتار كامەلەت جاسىنا تولماعاندىقتان، ولاردان زاڭدى وكىلدەرى، پسيحولوگ ماماندار مەن ادۆوكاتتاردىڭ قاتىسۋىمەن جاۋاپ الىنعان.

«تەرگەۋ بارىسىندا انىقتالعانداي، سول كۇنى جابىرلەنۋشى دوستارىمەن تۋعان كۇن كەشىنەن شىعىپ، ورتالىق كوشە بويىمەن جاياۋ كەلە جاتىپ، ٴبىر توپ بەيتانىس بالالاردى كەزدەستىرەدى. قارسى بەتتەگى «ب» ەسىمدى ٴجاسوسپىرىم تۋعان كۇن يەسىنىڭ قولىنداعى شارىن قاساقانا جارعان. ناتيجەسىندە ەكى تاراپ اراسىندا جانجال تۋىنداپ، كۇدىكتى «ب» جابىرلەنۋشىنىڭ بەت جاق تۇسىنان سوققى كەلتىرگەن. سوققى سالدارىنان جابىرلەنۋشى جەدەل جاردەم كەلگەنگە دەيىن وقيعا ورنىندا كوز جۇمعان»، - دەپ جازىلعان حابارلامادا.

اتالعان فاكتى بويىنشا قر قك 106-بابى 3-بولىمىمەن سوتقا دەيىنگى تەرگەۋ امالدارى جۇرگىزىلۋدە. 17 جاستاعى كۇدىكتى ٴوز كىناسىن تولىق مويىنداپ، ۋاقىتشا ۇستاۋ يزولياتورىنا قاماۋعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي