BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

تارازدا تامىز ايىندا 21 اككۋمۋلياتور ۇرلانعان

فوتو: alau.kz

جامبىل وبلىسىندا اككۋمۋلياتورلار ۇرلىعى ٴورشىپ تۇر، دەپ حابارلايدى baq.kz ٴتىلشىسى جامبىل وبلىسى ٴىىد ٴباسپاسوز قىزمەتىنە سىلتەمە جاساپ.

«بۇگىنگى كۇنى پوليسيا جۇمىسىنىڭ جالپى ستاتيستيكاسىنا كەرى اسەر ەتەتىن ۇساق ۇرلىق سانىن تومەندەتۋ بويىنشا كەشەندى شارالار قابىلدانىپ جاتىر. حالىق اراسىندا ەلەۋسىز قۇقىق بۇزۋشىلىقتارعا نولدىك توزىمدىلىكتى قالىپتاستىرۋعا باعىتتالعان كوپتەگەن پروفيلاكتيكالىق شارالار وڭ ناتيجە بەرۋدە»، - دەپ مالىمدەدى ٴباسپاسوز قىزمەتىندە.

اقپاراتقا سايكەس، تامىز ايىنىڭ باسىندا كولىك اككۋمۋلياتورلارىن قولدى ەتكەن قىلمىسكەرلەر توبى ۇستالعان.

«اۆتوبولشەكتەر، سونىڭ ىشىندە اككۋمۋلياتورلار ۇرلىعىن ەرەكشە اتاپ ٴوتۋ كەرەك. ولار ۇرلىقتىڭ جالپى كولەمىندە ەلەۋلى ۇلەسكە يە. مىسالى، اعىمداعى جىلدىڭ تامىز ايىندا اككۋمۋلياتور ۇرلىعىنىڭ 21 فاكتىسى تىركەلگەن. ونىڭ ىشىندە، 18 قىلمىس اشىلدى. وكىنىشكە قاراي، مۇنداي ۇرلىقپەن كۇرەسۋگە كولىك قۇرالدارى يەلەرىنىڭ ٴوز اۆتوموبيلدەرىن كوپقاباتتى ٴۇيدىڭ اۋلاسىندا قانداي دا ٴبىر كۇزەتسىز قالدىرۋى قيىنداتىپ تۇر. ۇرىلار وسى جاعدايدى ٴوز پايدالارىنا قولدانىپ كەلەدى. الايدا، قىلمىستىڭ ٴتۇبى ٴبىر اشىلارى ٴسوزسىز. مىسالى، 23 تامىزدا الماتى وبلىسىنىڭ ەكى تۇرعىنىنان قۇرىلعان قىلمىستىق توپ ۇستالدى. ولار رىسقۇلوۆ اۋدانىنداعى قۇلان اۋلىنان جۇك كولىكتەرىندەگى 7 اككۋمۋلياتوردى قولدى ەتكەن. سونىمەن قاتار، تاراز قالاسىنىڭ ٴىىب كپب قىزمەتكەرلەرىنىڭ جەدەل-ىزدەستىرۋ شارالارىن جۇرگىزۋ بارىسىندا قالاداعى تۇرعىن ۇيلەردىڭ ٴبىرىنىڭ اۋلاسىندا تۇرعان «ۆاز-2107» اۆتوموبيلىنەن اككۋمۋلياتور ۇرلاعان 21 جاستاعى وبلىس ورتالىعىنىڭ تۇرعىنى ۇستالدى»، - دەدى ٴباسپاسوز قىزمەتىندە.

اتالعان فاكتى بويىنشا قر قك 188-بابىنىڭ 1-بولىمىمەن سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى ٴوز كىناسىن جانە وسى تەكتەس بىرنەشە ۇرلىق جاساعانىن مويىنداپ، ۇرلاعان اككۋمۋلياتورلاردى قالاداعى لەرمونتوۆ پەن تاشكەنت كوشەلەرىنىڭ قيىلىسىنداعى مەتالل قابىلدايتىن ورىنعا ساتقانىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي