BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

تارازدا اۋرۋحانانىڭ ەكىنشى قاباتىنان 2 جاسار بالا قۇلاپ كەتتى

فوتو: Politeka

ٴسابيدىڭ اناسى بالاسىن قاراۋسىز قالدىرعان كۇيدە پالاتادان شىعىپ كەتكەن، دەپ حابارلايدى baq.kz اقپارات اگەنتتىگى bnews.kz سايتىنا سىلتەمە جاساپ.

تارازدا تاعى ٴبىر قايعىلى جاعداي بولدى. جامبىل وبلىستىق بالالار ينفەكسيالىق اۋرۋحاناسىنىڭ ەكىنشى قاباتىنان ەكى جاسار بالا قۇلاپ كەتتى.

بۇل جاعداي 12 ماۋسىمدا ساعات 14:00 كەزىندە بولعان. اتا-اناسىنىڭ قاراۋىنسىز قالعان بالا بايقاۋسىزدا ەكىنشى قاباتتاعى تەرەزەدەن قۇلاپ كەتكەن. ونى بىردەن اۋرۋحاناعا جاتقىزدى.

«2016 جىلى تۋعان بالا اناسىمەن بىرگە جامبىل وبلىستىق بالالار ينفەكسيالىق اۋرۋحاناسىندا بولعان. اناسى پالاتادان شىعىپ كەتكەن كەزدە ٴسابي ەكىنشى قاباتتاعى تەرەزەدەن قۇلاپ كەتكەن. ول ٴقازىر جامبىل وبلىستىق اۋرۋحاناسىندا جابىق باسسۇيەك-مي جاراقاتىمەن جاتىر. جاعدايى تۇراقتى، ەسىن بىلەدى»، - دەلىنگەن ٴباسپاسوز حابارلاماسىندا.

ەسكە سالا كەتسەك، بۇل تارازدا ٴبىرىنشى رەت بولىپ وتىرعان قايعىلى جاعداي ەمەس، ٴبىر اي بۇرىن، 12 مامىردا ول جاقتا تاعى ٴبىر قايعىلى جاعداي بولدى: ەكى قاباتتى جەكە تۇرعىن ۇيدە اتا-اناسىنىڭ قاراۋىنسىز قالعان كىشكەنتاي قىز تەرەزەدەن قۇلاپ كەتكەن ەدى. ول دا اۋرۋحاناعا جاتقىزىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي