BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

شقو-دا سۋ تاسقىنىنان جولدار جابىلدى

فوتو: inform.kz

شىعىس قازاقستان وبلىسىندا كوكتايعاق پەن سۋ تاسقىنى سالدارىنان وڭىردەگى بىرنەشە اۆتوجول جابىلدى، دەپ حابارلايدى baq.kz اقپارات اگەنتتىگى «قازاقاۆتوجول» جشس-عا سىلتەمە جاساپ.

11 ناۋرىز ساعات 16:30-دا سۋ تاسقىنى سالدارىنان بارشاتاس اۋىلىنان اياگوز قالاسىنا دەيىنگى رەسپۋبليكالىق ماڭىزى بار «قاراعاندى-اياگوز-بۇعاز» ۋچاسكەسىندە بارلىق اۆتوكولىك ٴۇشىن جول جابىلدى. ال ساعات 17:00-دەن باستاپ، وبلىستىق ماڭىزى بار «اياگوز-قارااۋىل-سەمەي-قاينار» ۋچاسكەسىندە بارلىق اۆتوكولىك ٴۇشىن (0-144 شاقىرىم، قارااۋىل اۋىلى) جول قوزعالىسىنا شەكتەۋ قويىلدى.

سونىمەن قاتار، ساعات 19:00-دا كوكتايعاققا بايلانىستى قالباتاۋ اۋىلىنان اياگوز قالاسىنا دەيىنگى رەسپۋبليكالىق ماڭىزى بار «الماتى-وسكەمەن» ۋچاسكەسىندە قوعامدىق كولىكتەر ٴۇشىن جولدار جابىلدى.

ساعات 22:00-دە وبلىستىق ماڭىزى بار «كۇرشىم-كالجير-بۋراباي-ماراليحا» (0-75 شاقىرىم) جول ۋچاسكەسىن سۋ شايىپ كەتۋىنە بايلانىستى بارلىق اۆتوكولىك ٴۇشىن اتالعان اۋماقتا جول قوزعالىسىنا شەكتەۋ قويىلدى.

سونداي-اق، 10 ناۋرىز ساعات 23:20-دا رەسپۋبليكالىق ماڭىزى بار «وسكەمەن-زىريان-قاتون-قاراعاي-راحمان قاينارى» تراسساسىنداعى ۇشان اۋىلىنان زىريان قالاسىنان دەيىنگى اۋماقتا جاۋىن-شاشىن جانە كوكتايعاققا بايلانىستى جۇك جانە قوعامدىق كولىكتەر ٴۇشىن جولدار جابىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي