BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

سولتۇستىكتە سالىقتان جالتارۋعا كومەكتەسكەن قىلمىستىق توپ ۇستالدى

فوتو: taxfinance.bg

سولتۇستىك قازاقستان وبلىسىندا سالىق تولەۋدەن جالتارۋعا كومەكتەسكەن، ياعني جالعان شوت-فاكتۋرا جازىپ بەرۋمەن شۇعىلدانعان ەكى قىلمىستىق توپ اشكەرە بولدى. ولاردىڭ كەسىرىنەن مەملەكەتكە 2 ميلليارلد تەڭگەدەن استام شىعىن كەلگەن، دەپ حابارلايدى baq.kz ايماقتاعى ٴتىلشىسى.

قاداعالاۋشى ورگاننىڭ باستاماشىلىق ەتۋىمەن جۇرگىزىلگەن ارنايى جەدەل-ىزدەستىرۋ شارالارىنىڭ ناتيجەسىندە ەكى بىردەي قىلمىستىق توپ انىقتالدى. ولار سالىقتىڭ تولەنگەندىگى تۋرالى جالعان شوت-فاكتۋرالار جاساۋمەن اينالىسقان ەكەن. ٴبىر قىلمىستىق توپ 18 كاسىپورىندى سالىق تولەۋدەن جالتارتقانى بەلگىلى بولدى. ال ەكىنشىسى ەكسترەميزمدى قارجىلاندىرۋى مۇمكىن دەگەن كۇدىك تاعىلىپ وتىر.

«وبلىس پروكۋراتۋراسى قاداعالاۋ جۇمىسىنىڭ باسىم باعىتتارىنىڭ ٴبىرى – قوعامدىق مۇددەنى قورعاۋ سالاسىنداعى زاڭدىلىقتىڭ ساقتالۋى، ياعني كولەڭكەلى ەكونوميكامەن كۇرەس. پروكۋرورلىق تەكسەرىستەر مەن ساراپتامالاردىڭ ناتيجەسىندە سالىقتان جالتارۋدىڭ جولى انىقتالىپ، ارام پيعىلدى سالىقتولەۋشىلەر اشكەرە بولدى»، – دەيدى سقو پروكۋراتۋراسىنىڭ ٴباسپاسوز حاتشىسى گۇلمايرا سەرعاليەۆا.

پروكۋرورلاردىڭ جەدەل ارەكەت ەتۋىنىڭ ناتيجەسىندە قىلمىستىق توپتاردىڭ جولى كەسىلدى. ەكى مۇشەسى تۇتقىندالىپ، سوتقا دەيىنگى تەرگەۋ جۇرگىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي