BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

سوققىعا جىققان ەر ادامدى كولىكتىڭ جۇكسالعىشىنا سالىپ العان 4 جىگىت سوتتالدى

فوتو: tengrinews.kz

قاپشاعايدا 2017 جىلدىڭ تامىز ايىندا كولىك جۇكسالعىشىنا سوققىعا جىققان ەر ادامدى سالىپ العان ٴتورت جىگىتكە قاتىستى سوت ۇكىمى شىقتى، دەپ حابارلايدى baq.kz اقپارات اگەنتىگى tengrinews.kz سايتىنا سىلتەمە جاساپ.

ولار سوت الدىندا زاڭ ٴتارتىبىن بۇزۋشىلىق (قازاقستان رەسپۋبليكاسى قىلمىستىق كودەكسىنىڭ 389-بابىنىڭ 3-بولىگى) جانە ادامدى ۇرلاۋ (قازاقستان رەسپۋبليكاسى قىلمىستىق كودەكسىنىڭ 125-بابىنىڭ 2-بولىمىندەگى 1-تارماعى) بويىنشا ايىپتى دەپ تانىلدى.

«سوت ۇكىمى بويىنشا، ت.، ر.، ا.، ا. قر قك-نىڭ 58-بابى، 3-بولىگى بويىنشا كىنالى دەپ تانىلىپ، ٴارقايسىسىنا جەتى جىل التى ايعا باس بوستاندىعىنان ايىرۋ جازاسى تاعايىندالدى. ولار قاۋىپسىزدىگى ورتاشا تۇزەتۋ مەكەمەسىندە جازالارىن وتەيدى. ۇكىم زاڭدى كۇشىنە ەنگەن جوق»، - دەلىنگەن الماتى وبلىستىق سوتىنىڭ ٴباسپاسوز قىزمەتىندە.

قىلمىستىق ٴىس ماتەريالدارى بويىنشا، ت قىزىمەن بىرگە جاۋىن استىندا قالعان تانىسى س-نى اياپ، ۇيىنە الىپ كەلەدى. ونىڭ ۇيىندە بىرنەشە كۇن تۇرعان س ت-نىڭ اقشا، ۇيالى تەلەفون جانە باسقا زاتتارىن الىپ، قاپشاعايعا قاشىپ كەتكەن. ۇرلاعان زاتتارىن قايتارىپ الۋ ماقساتىندا ت دوسىمەن بىرگە قاپشاعايعا بارىپ، كازينونىڭ قاسىنان س-نى ۇستاپ الىپ سوققىعا جىعادى جانە اۆتوكولىك جۇكسالعىشىنا سالىپ الادى. الماتىعا قايتىپ بارا جاتقاندا ولاردى جول پوليسياسى توقتاتادى. بۇل 2017 جىلدىڭ 14 تامىزى كۇنى بولعان جاعداي.

الماتى وبلىسىنىڭ ىشكى ىستەر دەپارتامەنتى daewoo nexia كولىگىن تەكسەرگەن كەزدە جۇرگىزۋشىنىڭ كۇيگەلەك مىنەزى كۇدىك تۋدىرىپ، تەكسەرۋ بارىسىندا كولىكتىڭ جۇك سالعىشىنان سوققىعا جىعىلعان جىگىتتى تاۋىپ العاندارىن حابارلاعان. كولىك ىشىندە ٴتورت ادام بولعان، ولاردىڭ ٴبارى قاماۋعا الىندى.

«25 جاستاعى زارداپ شەگۋشى، باقاناس اۋىلىنىڭ تۇرعىنى ولاردىڭ جەكە زاتىن ۇرلاپ الدى دەپ كۇدىكتەنگەن ادام بولىپ شىقتى. زارداپ شەگۋشىنى جازالاۋ رەتىندە ولار كولىكتىڭ جۇك سالعىشىنا سالىپ، ارى قاراي نە ىستەۋ كەرەك ەكەنىن شەشۋ ماقساتىندا الماتىعا الىپ بارا جاتقان»، - دەلىنگەن وبلىستىق پوليسيا ٴباسپاسوز قىزمەتىندە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي