BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

شقو-دا ريددەر قالاسى اكىمىنىڭ ورىنباسارى جاياۋ جۇرگىنشىنى قاعىپ كەتتى

فوتو: sibdepo.ru

15 ٴساۋىر كۇنى bmw ح5 ماركالى كولىك جۇرگىزىپ كەلە جاتقان ريددەر قالاسى اكىمىنىڭ ورىنباسارى جاياۋ جۇرگىنشىلەرگە ارنالعان جولدان ٴوتىپ بارا جاتقان ادامدى قاعىپ ٴولتىردى. وبلىس اكىمىنىڭ تاپسىرماسىمەن جول-كولىك وقيعاسىنا قاتىستى تەرگەۋ امالدارى شقو ٴىىد باستىعىنىڭ باقىلاۋىنا الىندى، دەپ حابارلايدى baq.kz اقپارات اگەنتتىگى matritca.kz سايتىنا سىلتەمە جاساپ.

وقيعا ايدارحانوۆ كوشەسى بويىندا كەشكى ساعات توعىز شاماسىندا بولعان. bmw ح5 كولىگى ىلەسپە باعىتتاعى جول جيەگىندە جاياۋ جۇرگىنشىنى قاعىپ كەتكەن. سونىڭ سالدارىنان 1999 جىلى تۋعان ازامات جەدەل جاردەم قىزمەتى كەلگەنشە قازا تاپتى.

انىقتاۋ بارىسىندا bmw ح5 كولىگىنىڭ 45 جاستاعى جۇرگىزۋشىسى ماس كۇيدە بولعانى جانە ريددەر قالاسى اكىمىنىڭ ورىنباسارى ەكەنى انىقتالدى. ول تۇتقىندالىپ، ۋاقىتشا يزولياتورعا قامالدى.

ريددەر قالاسىنىڭ ىشكى ىستەر ورگاندارى قر قك-نىڭ 345-بابى، ٴ3-بولىمى بويىنشا سوتقا دەيىنگى تەرگەۋ امالدارىن جۇرگىزىپ جاتىر. ريددەردە وتكەن بريفينگتە شقو ٴباسپاسوز اپپاراتىنىڭ باسشىسى رينات وماروۆ ايماق باسشىلىعى اتىنان قازا بولعان جىگىتتىڭ جاقىندارىنا كوڭىل ايتتى.

ول ٴىس ٴوڭىر باسشىسىنىڭ باقىلاۋىندا ەكەنىن ايتتى.

«ٴبىز تاڭەرتەڭ قازا تاپقان جىگىتتىڭ ۇيىنە بارىپ، تۋعان-تۋىستارىنا كوڭىل ايتتىق. ٴىس وبلىس اكىمىنىڭ باقىلاۋىندا. تەرگەۋ امالدارى جۇرگىزىلىپ جاتىر جانە كىنالى ادام سوت شەشىمى بويىنشا جازالانادى»، - دەيدى رينات وماروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي