BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

شقو-دا پارانى دوللارمەن الىپ وتىرعان لاۋازىمدى قىزمەتكەرلەر ۇستالدى

فوتو: ашық дереккөзден

شىعىس قازاقستان وبلىسىندا قىتايدان قازاقستانعا كەدەرگىسىز تاۋار وتكىزگەنى ٴۇشىن كاسىپكەردەن 40 مىڭ دوللار پارا العان مەملەكەتتىك قىزمەتكەر ۇستالدى. بۇل تۋرالى استانادا وتكەن بريفينگتە اتالعان اگەنتتىكتىڭ رەسمي وكىلى نۇرلان جاxين مالىمدەدى، دەپ حابارلايدى baq.kz ٴتىلشىسى.

ونىڭ ايتۋىنشا، شقو بويىنشا سىبايلاس جەمقورلىققا قارسى ٴىس-قيمىل ۇلتتىق بيۋروسى وبلىستىق مەملەكەتتىك كىرىستەر دەپارتامەنتىندەگى لاۋازىمدى تۇلعالارىنىڭ قىلمىستىق ىس-ارەكەتتەرىنىڭ جولىن كەسكەن.

«تەرگەۋ بارىسىندا ساۋدامەن اينالىساتىن جەكە كاسىپكەردەن 2016-2018 جىلدار ارالىعىندا شقو بويىنشا مەملەكەتتىك كىرىستەر دەپارتامەنتى ەكونوميكالىق قىلمىستاردى تەرگەۋ قىزمەتىن اسا ماڭىزدى ىستەرى بويىنشا اعا وفيسەرى جانە مايقاپشاعاي كەدەن بەكەتىنىڭ باس مامانى قىتايدان قازاقستانعا كەدەرگىسىز تاۋار وتكىزگەنى ٴۇشىن جانە وعان قامقورلىق جاساعانى ٴۇشىن جالپى سوماسى 40 مىڭ اقش دوللارىن قۇرايتىن پارانى جۇيەلى تۇردە الىپ وتىرعانى انىقتالدى»، - دەدى رەسمي وكىل.

سونداي-اق نۇرلان جاحين كۇدىكتىلەردىڭ وفيستەرىن، تۇرعىلىقتى جەرلەرىن جانە جەكە كولىكتەرىن ٴتىنتۋ بارىسىندا 13 ملن تەڭگەدەن استام سومانى قۇرايتىن شەتەل ۆاليۋتاسى تاركىلەنگەنىن اتاپ ٴوتتى.

«كۇدىكتىلەردىڭ ۇشەۋى قازىرگى ۋاقىتتا قاماۋدا، بۇل فاكتى بويىنشا تەرگەۋ جۇرگىزىلۋدە»، - دەدى ول.

كەيىن رەسمي وكىل كەشە وسى سالاداعى تاعى ٴبىر ماماننىڭ ۇستىنەن قىلمىستىق ٴىس قوزعالعانىن حابارلادى.

«استانا قالاسى مەملەكەتتىك كىرىستەر دەپارتامەنتىنىڭ ەكونوميكالىق قىلمىستاردى تەرگەۋ قىزمەتىنىڭ وفيسەرىنىڭ قىلمىسى اشكەرەلەندى. كۇدىكتى 30 مىڭ اقش دوللارىن پارا رەتىندە الۋعا وقتالعان. بۇل ٴىس بويىنشا تەرگەۋ مۇددەسىنە بايلانىستى اقپارات جاريا ەتىلمەيدى»، - دەپ تۇيىندەدى ٴسوزىن نۇرلان جاحين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي