USD 336.23 EUR 360.3 RUB 5.28
استانا:

شىمكەنتتەگى تۇنگى كلۋبتا 23 جاستاعى جىگىت وققا ۇشتى

«پاندورا» تۇنگى كلۋبىنا كەلگەن قوناقتار اراسىندا توبەلەس بولىپ، اقىرى 23 جاستاعى جىگىت وققا ۇشتى. بۇل تۋرالى وقو ٴىىد ٴباسپاسوز قىزمەتى حابارلايدى.

وقيعا كەزىندە بەلگىسىز بىرەۋ 23 جاستاعى جىگىتتىڭ جەلكەسىنەن تاپانشامەن اتقان. ول اۋرۋحاناعا بارا جاتقان جولدا قايتىس بولدى. اتىسقا قاتىسى بار دەگەن كۇدىكپەن 1991، 1993 جانە 1996 جىلى تۋعان ٴۇش ادامعا ىزدەۋ جاريالاندى.

جالپى توبەلەس پەن اتىس كلۋبتا تۇرعان بەينەكامەرالار جۇمىس ىستەمەي تۇرعاندىقتان، ەشبىر جەرگە جازىلىپ قالماپتى. ٴقازىر وقيعاعا بايلانىستى قر قك 99-ب 1-ت «كىسى ٴولتىرۋ» جانە 287-ب «قارۋدى زاڭسىز ساتىپ الۋ، بەرۋ، ساتۋ، ساقتاۋ، تاسىمالداۋ جانە الىپ ٴجۇرۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

ەستەرىڭىزگە سالا كەتەيىك، ٴدال وسىنداي جاعداي پەتوروپاۆلدا دا ورىن العان. قازان ايىنىڭ باسىندا پەتروپاۆلدا تۇنگى كلۋبتا اياۋسىز تاياق جەگەن 23 جاستاعى باسكەتبولشى ٴتىل قاتپاي كەتتى. وسكەمەندىك سپورتشى يگور نانايەۆ وسىدان ٴبىر اي بۇرىن سولتۇستىك قازاقستاننىڭ جەرگىلىكتى «بارىس» كومانداسىنا اۋىسىپ كەلگەن بولاتىن. قازان ايىنىڭ ەكىسىنەن ۇشىنە قاراعان ٴتۇنى ول جولداستارىمەن تۇنگى كلۋبقا بارعان. ارتىنشا جىگىتتەرمەن سوزگە كەلىسپەي قالىپ، ارتى توبەلەسكە ۇلاسىپ، سالدارىنان قاتتى سوققى العان. وبلىستىق اۋرۋحاناعا جەتكىزىلگەن يگور ٴبىر اپتا بويى رەانيماسيا بولىمىندە جاتىپ، اقىرىندا جان ٴتاسىلىم ەتتى.

«حابار24»

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي