BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

شىعىس قازاقستاندا شار وزەنىنەن ەكى بالانىڭ دەنەسى تابىلدى

فوتو: suaraperak.com

قاۋىپسىزدىك ەرەجەسىن ساقتاماعاندار قاپى قالىپ جاتىر. شقو-دا دەمالىس كۇندەرى بىرنەشە ادام سۋعا كەتتى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

جارما اۋدانىندا شار وزەنىنەن ەكى بالانىڭ دەنەسى تابىلدى. ولاردىڭ ٴبىرى 2007، ەكىنشىسى 2011 جىلى دۇنيەگە كەلگەن ەكەن. وقيعاعا بالالاردىڭ قاراۋسىز قالعاندىعى سەبەپ بولىپ وتىر.

بۇدان ٴبىراز كۇن بۇرىن شەمونايحا اۋدانى ۋبا وزەنىنەن التى جاسار بالانىڭ دەنەسى تابىلعان.

ال سەمەيدە ٴبىر مەزەتتە ەكى ادامنىڭ جوعالعاندىعى انىقتالىپ، قۇتقارۋشىلار جاساعى ىزدەستىرگەن. ولار بالا ەمەس، 33 جانە 45 جاستاعى ازاماتتار بولاتىن.

جۋىقتا توتەنشە جاعداي دەپارتامەنتىنىڭ قىزمەتكەرلەرى ريددەر قالاسىنا قاراستى پوپەرەچنوە اۋىلى ۋبا وزەنىنەن 61 جاستاعى ادامنىڭ دەنەسىن تاپقان. ول كاتامارانمەن سەرۋەندەپ ٴجۇرىپ سۋعا باتتى.

وتكەن دەمالىس كۇندەرى وبلىستىق توتەنشە جاعداي دەپارتامەنتى مەن شىعىس ايماقتىق اەوروموبيلدى جەدەل-قۇتقارۋ جاساعىنىڭ قۇتقارۋشىلارى جانە جەرگىلىكتى ٴتارتىپ ساقشىلار بىرىگىپ، ايماقتاعى شومىلاتىن ورىنداردا رەيد جۇرگىزگەن بولاتىن. رەيد بارىسىندا پروفيلاكتيكالىق شارالارعا دەمالۋشىلاردىڭ كوپشىلىگى تۇسىنىستىكپەن قاراماعاندىعىن ايتىپ وتىر ولار.

رەسمي مالىمەتكە سۇيەنسەك، بيىل شومىلۋ ماۋسىمى باستالعاننان بەرى وبلىس بويىنشا 18 ادام سۋعا باتقان ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي