BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

شىعىس قازاقستاندا ىسساپارمەن جۇرگەن جىگىت سۋعا باتىپ كەتتى

فوتو: AstroMeridian.Ru

سۇڭگۋىرلەر وقيعا ورنىنا كەلەسى كۇنى جەتىپ، 1،5 ساعاتتىڭ ىشىندە مۇردەنى تاپقان، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

وسكەمەننىڭ 33 جاستاعى تۇرعىنى جارما اۋدانىنىڭ اۋەزوۆ كەنتىندە ٴىسساپاردا جۇرگەن. 8 ماۋسىم كۇنى ول تۇسكى اس كەزىندە بىرنەشە اداممەن بىرگە كەنتتەن جارتى شاقىرىمدىق جەردەگى جاساندى توعانعا شومىلۋعا بارادى. قايعىلى وقيعا وسى كەزدە بولعان.

«قۇزىرلى ورگاندار وقيعانىڭ ٴمان-جايىن انىقتاۋدا. شومىلۋعا بارعان ادامداردىڭ بارلىعى ىشىمدىك ىشكەنى انىق. جاساندى توعان شومىلۋعا ارنالماعان»، - دەلىنگەن وبلىستىق توتەنشە جاعدايلار دەپارتامەنتتىڭ اقپاراتىندا.

سۇڭگۋىرلەر وقيعا ورنىنا كەلەسى كۇنى جەتىپ، 1،5 ساعاتتىڭ ىشىندە مۇردەنى تاپقان.

ەسكە سالا كەتسەك، شومىلۋ ماۋسىمى باستالعالى بەرى شىعىس قازاقستاندا وسىمەن بەسىنشى ادام سۋدان اجال تاپتى. ونىڭ بىرەۋى — بالا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي