BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

شىعىس قازاقستاندا دوللارمەن پارا الىپ كەلگەن مەملەكەتتىك قىزمەتكەر ۇستالدى

فوتو: sputnik.by

شقو-دا ەكى جىل كولەمىندە قىتايدان ەمىن-ەركىن تاۋار وتكىزىپ بەرگەنى ٴۇشىن كاسىپكەردەن دوللارلاپ پارا الىپ كەلگەن مەملەكەتتىك قىزمەتكەر ۇستالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

بۇل تۋرالى مەملەكەتتىك قىزمەت جانە سىبايلاس جەمقورلىققا قارسى كۇرەس اگەنتىگىنىڭ رەسمي وكىلى نۇرلان جاحين مالىمدەدى.

«تەرگەۋ بارىسىندا ساۋدامەن اينالىساتىن جەكە كاسىپكەردەن 2016-2018 جىلدار ارالىعىندا شقو بويىنشا مەملەكەتتىك كىرىستەر دەپارتامەنتى ەكونوميكالىق قىلمىستاردى تەرگەۋ قىزمەتىن اسا ماڭىزدى ىستەرى بويىنشا اعا وفيسەرى جانە مايقاپشاعاي كەدەن بەكەتىنىڭ باس مامانى قىتايدان قازاقستانعا كەدەرگىسىز تاۋار وتكىزگەنى ٴۇشىن جانە وعان قامقورلىق جاساعانى ٴۇشىن جالپى سوماسى 40 مىڭ اقش دوللارىن قۇرايتىن پارانى جۇيەلى تۇردە الىپ وتىرعانى انىقتالدى»، – دەدى ول.

سونداي-اق نۇرلان جاحين كۇدىكتىلەردىڭ وفيستەرىن، تۇرعىلىقتى جەرلەرىن جانە جەكە كولىكتەرىن ٴتىنتۋ بارىسىندا 13 ملن تەڭگەدەن استام سومانى قۇرايتىن شەتەل ۆاليۋتاسى تاركىلەنگەنىن اتاپ ٴوتتى.

كۇدىكتىلەردىڭ ۇشەۋى دە قازىرگى ۋاقىتتا قاماۋدا. اتالعان فاكتى بويىنشا تەرگەۋ جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي